قازاقستان • 29 قاراشا، 2022

ەلىمىزدەگى جىلۋ جەلىلەرىنىڭ جارتىسىنان كوبى توزعان

111 رەت كورسەتىلدى

قازاقستانداعى جىلۋ جەلىلەرىنىڭ توزۋ دەڭگەيىنىڭ ورتاشا كورسەتكىشى 53%-دى قۇرايدى، دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.

دەسە دە مينيسترلىك سوڭعى 7 جىلدا توزۋ دەڭگەيىنىڭ جالپى كورسەتكىشى 13 پايىزعا تومەندەگەنىن ايتىپ وتىر. 

قر تجم رەسپۋبليكالىق داعدارىس ورتالىعى جانە جەرگىلىكتى اتقارۋشى ورگانداردىڭ مالىمەتتەرى بويىنشا، 2022-2023 جىلعى جىلىتۋ ماۋسىمى باستالعاننان بەرى ەلىمىز بويىنشا 26 تەحنولوگيالىق اقاۋ بولعان. اتاپ ايتقاندا:

– اۆتونومدى قازاندىقتاردا – 2 (اقمولا جانە الماتى وبلىستارىندا);

– جىلۋمەن جابدىقتاۋ جەلىلەرىندە – 11 (جەتىسۋ – 1، قاراعاندى – 7، پاۆلودار – 1، استانا-1، الماتى-1);

– سۋمەن جابدىقتاۋ جەلىلەرىندە – 13 (اباي – 1، اقمولا – 2، الماتى – 1، شقو – 1، بقو – 1، قاراعاندى – 1، پاۆلودار – 1، سقو – 2، ۇلىتاۋ – 1، استانا-2).

2015-2022 جىلدار ارالىعىندا ءار ءتۇرلى قارجىلاندىرۋ كوزدەرىنەن جىلۋ جۇيەلەرىنىڭ قۇرىلىسى، رەكونسترۋكتسيالاۋ جانە جاڭعىرتۋ جۇمىستارىنا 344 ملرد تەڭگە بولىنگەن. ناتيجەسىندە 3 667 كم ينجەنەرلىك جەلى سالىنىپ، قايتا جاڭارتىلعان. وسىلايشا، جالپى توزۋ دەڭگەيى 65%-دان 53 پايىزعا دەيىن تومەندەدى. 2022 جىلدىڭ سوڭىنا دەيىن بۇل كورسەتكىشتى 51%-عا دەيىن تومەندەتۋ جوسپارلانۋدا.

تۇرعىن ءۇي-كوممۋنالدىق ينفراقۇرىلىمدى دامىتۋ تۇجىرىمداماسى شەڭبەرىندە 2026 جىلعا قاراي جىلۋ، سۋمەن جابدىقتاۋ جانە سۋ بۇرۋ جەلىلەرىنىڭ توزۋىنىڭ جالپى كورسەتكىشىن 45%-عا دەيىن ازايتۋ جوسپارلانعان..

سوڭعى جاڭالىقتار

ۇقساس جاڭالىقتار