رۋحانيات • 28 قاراشا، 2022

«مىڭ بالا» جەڭىمپازدارى

73 رەت كورسەتىلدى

استانادا يگى داس­تۇرگە اينالعان قازاق­ستان حال­قى اسسامبلەياسىنىڭ «مىڭ بالا» رەسپۋبلي­كا­لىق ما­دەني-اعارتۋشىلىق جوبا­سىنىڭ جەڭىمپازدارى ماراپاتتالدى.

بيىل سەگىزىنشى مارتە ءوتىپ وتىر­عان جوبانىڭ ماقساتى – ءتۇرلى ەتنوستىق توپتاردىڭ مەكتەپ جاسىنا دەيىنگى بالالارى مەن مەكتەپ وقۋشىلارى مەملەكەتتىك ءتىلدى مەڭگەرۋ ارقىلى ۇلتتىق قۇندىلىقتارىمىزدى بويىنا ءسىڭىرىپ، قازاقستاندىق بىرەگەيلىك پەن بىرلىكتى دامىتۋعا ۇلەس قوسۋ.

سالتاناتتى شارانىڭ اشىلۋىندا اقپارات جانە قوعامدىق دامۋ ءمينيسترى دارحان قىدىرالى بيىلعى جوبانىڭ ءمانى دە، ماڭىزى دا بولەك ەكەنىن ەرەكشە اتاپ ءوتى.

–­ ەل پرەزيدەنتى بيىلعى قا­زاق­ستان حالقىنا ارناعان جولدا­ۋىن­دا مەملەكەتتىك ءتىلىمىزدىڭ ءوسىپ-وركەندەپ، ءبىلىم، عىلىم، مادەنيەت جانە ىسكەرلىكتىڭ تىلىنە اينالىپ كەلە جاتقانىن اتاپ ءوتتى. سونى­مەن قاتار قازاق ءتىلىنىڭ تەك مەملەكەت­تىك ەمەس، حالىقارالىق تىلگە اينا­لۋىن باسا ايتقان بولاتىن. ءبىز بۇگىن سونىڭ كۋاسى بولىپ وتىرمىز. شىن مانىندە، ءتىل – ۇلتتى ۇيىستىراتىن فاكتوردىڭ ءبىرى. بۇگىن مەملەكەتتىك ءتىلدى بىلۋگە ۇمتىلعان جاستاردى كورىپ، قۋانىپ وتىرمىز. ويتكەنى ءتىل ارقىلى ءبىزدىڭ تىلەگىمىز دە، جۇرەگىمىز دە ءبىر. ەل بىرلىگى ءتىل بىر­لىگىنەن باستاۋ الادى. كەيىنگى جىلدارى ەلىمىزدەگى بارلىق ەتنوس وكىلدەرى مەملەكەتتىك ءتىلدى مەڭ­گەرۋگە ۇلكەن قۇلشىنىس تانىتىپ جۇرگەنى – سونىڭ ايعاعى. سوندىقتان مينيسترلىك ءوز تاراپىنان بىرقاتار جوبانى قولعا الدى. سونىڭ ءبىرى Tik-Tok سىندى الەمگە ايگىلى كومپانيانىڭ مە­نەد­جەرىمەن كەزدەسىپ، الەۋمەتتىك جەلىدە قازاقشا كونتەنتتىڭ الەۋە­تىن ارتتىرۋدى كوزدەگەن جوبانى ايتۋعا بولادى، – دەدى مينيستر.

ودان كەيىن ءسوز العان قازاق­­ستان حالقى اسسامبلەياسى توراعاسى­­­­نىڭ ورىنباسارى، پرەزيدەنت ­اكىم­شى­لى­گى قازاقستان حالقى اسسام­بلەياسى حاتشىلىعىنىڭ مەڭگە­رۋ­شىسى مارات ءازىلحانوۆ «مىڭ بالا» جوباسىنىڭ بۇگىن­دە ۇلكەن قوزعالىسقا اينالعا­نىن ايتا كەلىپ، وسى سەگىز جىل ىشىندەگى بار­لىق جەڭىمپازدىڭ باسىن قوسىپ، جۇرتشىلىقپەن تاعى ءبىر جۇزدەستىرسەك دەگەن ۇسىنىسىن جەت­كىزدى. سونداي-اق پارلامەنت ءماجىلىسىنىڭ دەپۋتاتى، قالام­گەر ساۋىتبەك ابدراحمانوۆ قازاق ءۇشىن تىلدەن ارتىق بايلىق، تىل­دەن ار­تىق قۇدىرەت، تىلدەن ارتىق قازى­نا جوق ەكەنىنە ماڭىز بەر­دى. ء«بىز­دىڭ حالقىمىز ونەردىڭ بار­لىق تۇرى­نەن ءسوز ونەرىن بيىك كوردى. كەشە عانا سالتاناتتى ۇلىق­­تاۋ راسىمىندە پرەزيدەنتىمىز قاسىم-جومارت توقاەۆ: «كوك بايراعىمىز، تولقۇجاتىمىز جانە مەملەكەتتىك ءتىلىمىز ءبىزدىڭ ءبىرتۇتاس حالىق ەكەنى­مىزدى ايعاقتايدى»، دەدى. وسى ءۇش ۇعىم­نىڭ بىرەگەيى – مەملەكەتتىك ءتىل. مەملەكەتتىك ءتىلدى ارداقتاپ، وسى ەلگە، جەرگە دەگەن قۇرمەتىن بىل­دىر­گەن جاستارعا ءبىز شىن رازى­لىقپەن العىسىمىزدى ايتامىز» دەسە، پارلامەنت ءماجىلىسىنىڭ دەپۋتاتى ناتاليا دەمەنتەۆا دا مەم­لە­كەتتىك ءتىل تۋرالى پاراساتتى وي ءوربىتىپ، قاتىسۋشىلارعا ىزگى لەبىزىن ءبىلدىردى.

سونىمەن جوبا اياسىنداعى «ونەرلى ورگە جۇزەر»، «ونەر الدى قىزىل ءتىل»، «جارقىرا جاس دارىن!» اتتى بايقاۋلار بويىن­شا مەملەكەتتىك تىلدە ءان سالىپ، جىر وقىپ، دومبىرامەن كۇي توك­كەن ورەندەر اراسىنان جەڭىم­پازدار انىقتالىپ، ولار باعالى سىيلىقتارعا يە بولدى.

ايتا كەتەيىك، 2015-2022 جىلدار ارالىعىندا اتالعان جوبا شەڭبەرىندە ەلىمىزدە 107 مىڭنان اسا ءىس-شارا ۇيىمداستىرىلىپ، وعان 2،5 ميلليوننان اسا بالا قاتىسقان.

دج

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار