سپورت • 28 قاراشا، 2022

مەسسي مارادونامەن تەڭەستى

53 رەت كورسەتىلدى

فرانتسيا مەن دانيا قۇرامالارى اراسىنداعى كەزدەسۋ 2:1 ەسەبىمەن اياقتالعانى بەلگىلى. 61 جانە 86-مينۋت­تاردا كيليان مباپپە نىسانانى ءدال كوزدەدى. وسى ءدۋبلدىڭ ارقاسىندا ول ءوزىنىڭ وتانداسى، داڭقتى زينەددين زيداندى قۋىپ جەتتى. ەكەۋى دە ۇلتتىق قۇراما ساپىندا 31 گولدان سوقتى. وسىلايشا، ول جيۋست فونتەن مەن جان-پەر پاپەننەن وزىپ كەتتى. حح عاسىردىڭ اتى تەڭدەسسىز تەڭبىل دوپ شەبەرلەرى قارسىلاستار قاقپاسىن 30 رەتتتەن ءدال كوزدەگەن ەدى.

فرانتسيا قۇراماسى ءوز تاريحىندا تۇڭعىش رەت الەم چەمپيوناتتارىندا قاتارىنان التى ويىندا جەڭىسكە جەتتى. بۇعان دەيىن ولار 2018 جىلى رەسەيدە وتكەن جارىستىڭ پلەي-وفف سايىستارىندا ارگەنتينا (4;3)، ۋرۋگۆاي (2:0)، بەلگيا (1:0) جانە حورۆاتيانى (4:2) ەسەبىمەن ۇتقان ەدى. ال قاتارداعى دودانىڭ العاشقى ەكى تۋرىندا فرانتسۋزدار اۋستراليا (4:1) مەن دانيادان (2:1) باسىم ءتۇستى. 2010 جىلى يسپانيانىڭ فۋتبولشىلارى دا ءدال وسىنداي كورسەتكىشكە قول جەتكىزگەن ەدى.

ارگەنتينا مەن مەكسيكا اراسىنداعى باسە­كەنىڭ 64-مينۋتىندا ليونەل مەسسي ەسەپ اشتى. وسىلايشا، ول ارگەنتينانىڭ اتى اڭىزعا اينالعان فۋتبولشىسى ديەگو مارادونامەن تەڭەستى. ۇلتتىق قۇراما ساپىندا ەكەۋى دە سەگىز گولدان سوقتى. بىراق مەسسي ءالى دە گابريەل باتيستۋتاعا جەتە العان جوق. «باتيگول» دەگەن جاناما ەسىمگە يە بولعان اتاقتى شابۋىلشى 10 رەت مەرگەندىك تانىتقان ەدى.

ساۋد ارابياسىنىڭ ء«ال-ناسر» كلۋبى پور­تۋگاليا قۇراماسىنىڭ ەڭ ۇزدىك ويىنشىسى كريشتيانۋ رونالدۋدى ءوز قاتارىنان كورگىسى كەلەدى. CBS Sports اگەنتتىگىنىڭ حابارلاۋىنشا، اتالعان كوماندانىڭ قوجايىندارى رونالدۋعا ءۇش جىلدا 216 ميلليون ەۋرو شاماسىندا جالاقى تولەۋگە دايار.

يسپانيا مەن گەرمانيا اراسىنداعى كەزدەسۋ 1:1 ەسەبىمەن اياقتالعانى بەلگىلى. بۇل ماتچتا نەمىس­تەردىڭ قاقپاسىن مانۋەل نويەر قورعادى. بۇل – 36 جاستاعى نويەردىڭ الەم چەمپيوناتىندا 18-رەت جاسىل الاڭعا شىعۋى. ءسويتىپ، ول ءوزىنىڭ وتانداسى زەپپ مايەر مەن برازيليالىق كلاۋديو تاففارەلدىڭ كورسەتكىشىن قايتالادى.

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار