بالالار جىلىنا ارنالعان ءىس-شارالار اياسىندا استانادا جاس وتباسىلار اراسىندا بايقاۋ ۇيىمداستىرىلعان. بايقاۋدا بارلىعى 53 وتباسى باعىن سىناپ, ونىڭ 10-ى الدىن الا ىرىكتەۋ ناتيجەلەرى بويىنشا اقتىق جارىسقا جولداما الىپتى.
فينالعا قاتىسۋشىلار ينتەللەكتۋالدى جانە شىعارماشىلىق سۇراقتارعا جاۋاپ بەرىپ, شىعارماشىلىق قابىلەتتەرىن كورسەتتى. كىشى سەرجانت قازبەك سەمبەكوۆ جارى اقەركەمەن بىرگە بارلىق سىناقتاردان ءساتتى ءوتىپ, ەرلى-زايىپتىلار كورەرمەندەردى ۆوكالدىق جانە ساحنالىق تالانتىمەن باۋراپ الدى.
«ۇزدىك جاس وتباسى» بايقاۋىنىڭ قورىتىندىسى بويىنشا اسكەري قىزمەتشىنىڭ وتباسى ءبىرىنشى ورىنعا يە بولىپ, 500 000 تەڭگە كولەمىندە تۇرمىستىق تەحنيكانى ساتىپ الۋعا سەرتيفيكات الدى.
