مەديتسينا • 28 قاراشا، 2022

جالعان مەدانىقتاما ساتقان ورتالىقتار انىقتالىپ، باسشىلارى ۇستالدى

54 رەت كورسەتىلدى

ەلوردادا جالعان انىقتامالار ساتقانى ءۇشىن مەديتسينالىق ورتالىقتاردىڭ ەكى باسشىسى ۇستالدى. كليەنتتەر كولىك قۇرالدارىن باسقارۋعا جۇرگىزۋشى كۋالىگىن الۋ ءۇشىن مەديتسينالىق انىقتامالارعا تاپسىرىس بەردى، دەپ حابارلايدى Egemen.kz. بۇل تۋرالى ءىىم-ءنىڭ Polisia.kz پورتالى حابار تاراتتى. 

ءىس-شارالار كەشەنى بارىسىندا استانا پوليتسەيلەرى الدىن الا ءسوز بايلاسۋ بويىنشا جالعان مەديتسينالىق انىقتامالاردى وتكىزۋ ارناسىن ۇيىمداستىرعان جشس-ءنىڭ ەكى باسشىسىن ۇستادى. اقشالاي قاراجات ءۇشىن ولار مەديتسينالىق ۇيىمعا ءىس جۇزىندە بارماي-اق ۋاقىتشا ەڭبەككە جارامسىزدىق پاراقتارىن، دەنساۋلىق پاسپورتتارىن، سانيتارلىق كىتاپشالاردى، №086، 075ۋ نىسانىنداعى انىقتامالاردى جانە وزگە دە مەديتسينالىق قۇجاتتاردى دايىنداعان.

استانا قالاسى پد كريمينالدىق پوليتسيا باسقارماسىنىڭ قىزمەتكەرلەرى جەدەل-تەرگەۋ ءىس-شارالارى كەشەنىن وتكىزۋ كەزىندە مەديتسينالىق ورتالىقتىڭ 33 جاستاعى باسشىسىن ۇستادى. ءتىنتۋ بارىسىندا ۇستالعان ادامنان اقشالاي قاراجات، ەلتاڭبالىق مورلەر، مەديتسينالىق ءمورتاباندار، مەديتسينالىق انىقتامالاردان ۇزبەلى تۇبىرتەكتەر بايلامدارى، تىركەۋ جۋرنالدارى، مەديتسينالىق كىتاپشالار، مورلەرى بار تولتىرىلعان اۋرۋحانا پاراقتارى تاركىلەندى.

سونداي-اق ەلورداداعى اۋەزوۆ كوشەسىندە ورنالاسقان مەديتسينالىق ورتالىقتىڭ دا باسشىسى ۇستالدى. ءتىنتۋ بارىسىندا ودان مەديتسينالىق كىتاپشالار، اۋرۋحانا پاراقتارى، مورلەر تاركىلەندى. كليەنتتەر جۇمىسقا ورنالاسۋ، كولىك قۇرالدارىن باسقارۋ ءۇشىن جۇرگىزۋشى كۋالىگىن الۋ جانە باسقا دا قاجەتتىلىكتەرى ءۇشىن مەديتسينالىق انىقتامالارعا تاپسىرىس بەرگەنى انىقتالدى.

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار