«مەن وزىمە داۋىس بەرگەن ازاماتتاردىڭ عانا ەمەس, بۇكىل قازاقستان حالقىنىڭ الدىندا ەسەپ بەرەتىن بولدىم. قازاقتا «بايلىق نە كەرەك, ادالدان جيماساڭ, بيلىك نە كەرەك, ادىلدىك قۇرماساڭ» دەگەن ءسوز بار. بۇل – بۇلجىتپاي ۇستاناتىن ومىرلىك قاعيداتىم», دەگەن پرەزيدەنت ءسوزى قاي-قايسىمىزعا بولسىن وي سالعانى انىق.
قاسىم-جومارت توقاەۆتىڭ باستى ماقساتى – ادىلەتتى مەملەكەت, ادىلەتتى ەكونوميكا, ادىلەتتى قوعام قۇرۋعا باعىتتالىپ وتىر. الداعى جەتى جىل بەدەرىندە وسى باعىتتا اۋقىمدى جۇمىستار اتقارىلاتىندىعىنا ەشقانداي ءشۇبام جوق.
«قازاقتا «امانات» دەگەن اسىل ۇعىم بار. حالقىمنىڭ سەنىمى – ماعان امانات. وسى اماناتقا ادال بولۋ – مەن ءۇشىن قاسيەتتى پارىز. ەل ءۇمىتىن اقتاپ, قازاقستاندى وركەندەگەن, باقۋاتتى مەملەكەتكە اينالدىرۋ ءۇشىن قولىمنان كەلگەننىڭ ءبارىن جاسايمىن», دەدى پرەزيدەنت. ءبىز دە مەملەكەت باسشىسىنىڭ ەلىمىزدى دامۋدىڭ جاڭا ساتىسىنا باستايتىنىنا بەك سەنىمدىمىز.
ەلدىڭ مۇددەسىن بارىنەن بيىك قوياتىنىن ايتقان قاسىم-جومارت توقاەۆتىڭ ءاربىر باستاماسىن قولدايمىز, قۋاتتايمىز. ەڭ باستىسى, ازات ەلىمىزدە ادىلدىك سالتانات قۇرىپ, بەيبىتشىلىك بەسىگىندە تەربەلە بەرەيىك. ەل ءىشى داۋدان, سىرتى جاۋدان امان بولسىن!
ءابدىمومىن جەلدىباەۆ,
كۇيشى-كومپوزيتور,
قازاقستاننىڭ ەڭبەك سىڭىرگەن مادەنيەت قايراتكەرى
جامبىل وبلىسى,
شۋ اۋدانى
