پرەزيدەنت: «حالقىمنىڭ سەنىمى – ماعان امانات», دەدى. ەندەشە, ءبىز ءۇشىن دە مەملەكەت باسشىسىنىڭ سەنىمى امانات بولىپ, وعان قيانات جاساماۋىمىز كەرەك. قالايشا؟! قاسىم-جومارت كەمەل ۇلىنىڭ قول قويعان جارلىقتارىن, باستامالارىن بۇلجىتپاي ورىنداپ, ادالدىق تانىتساق, سول – ءبىزدىڭ اماناتىمىز.
كەزىندە تالاي نارسەنى كوردىك. جاڭادان اشىلعان زاۋىتتار لەنتاسى قيىلىپ, اشىلۋ ءراسىمى ادەمى وتكىزىلگەن سوڭ ەرتەسىنە جابىلىپ قالىپ جاتتى. مىنە, وسىنداي كوزبوياۋشىلىقتان ارىلاتىن ۋاقىت جەتتى. ونداي الداۋدى, قۋلىقتى ەل ەكونوميكاسى ەندى كوتەرمەيدى.
ءبىر-بىرىمىزگە تىلەكتەس بولىپ, جاناشىرلىقپەن قابىلدانعان باعدارلاما, جوسپارلاردى ورىنداماساق, قۇجات سول قاعاز كۇيىندە تاعى دا قالىپ قويادى. الىسقا بارماي-اق قاسىمىزداعى كورشىمىز وزبەكستانعا قارايىقشى. تەحنيكا اتاۋلىنىڭ ءبارىن شىعارىپ جاتىر. ۇشاققا دەيىن جاسايدى. ءبىزدىڭ نەگە قولىمىزدان كەلمەيدى ەندەشە؟! ارينە, كەلەدى. بۇل جەردە ەلىمىزگە كەرەگى تەك ادالدىق پەن ادىلدىك. پرەزيدەنت سول ءۇشىن دە ادىلەتتى قوعام, ەكونوميكا, مەملەكەت دەپ كەشەگى ۇلىقتاۋ راسىمىندە بوسقا ايتقان جوق.
مارات سەيداحمەتوۆ,
ەكونوميكا عىلىمدارىنىڭ كانديداتى, دوتسەنت
شىمكەنت
