ءبىر كەزدەرى 5 مىڭعا جۋىق حالقى بار اۋىلىمىزدا قازىر نەبارى مىڭنان استام ادام تۇرادى. ولاردىڭ كوبى – زەينەت جاسىنداعى قارتتار مەن بالا-شاعا. ەڭبەككە جارامدىلاردىڭ باسىم بولىگى جۇمىسسىز ءجۇر. بۇرىنعى شارۋاشىلىق, قۇرىلىس نىساندارىنىڭ بىردە-بىرەۋى جوق. قىستىگۇنى مەكتەپ, مادەنيەت ءۇيى, اۋىلدىق فەلدشەرلىك-امبۋلاتورلىق پۋنكت, اكىمدىك عيماراتتارى جەكە-جەكە ءوز قازاندىقتارىن ىسكە قوسقاندا اۋىلدىڭ ءىشىن كوك ءتۇتىن باسىپ كەتەدى.
اۋىلدا مال جاياتىن جايىلىمدىق جەر تاپشى, جاڭادان كەلەتىن جاس ماماندارعا باسپانا قاراستىرىلماعان. كەزىندە جايىلىمدار مەن شابىندىق جەرلەردى ەبىن تاپقان پىسىقايلار ءبولىسىپ العان-دى. اۋىل ىشىندە مال كوبەيگەندىكتەن جازدا جاس تەزەكتىڭ ءيىسى شىعىپ, جينالىپ قالعان كۇل-قوقىس قولقاڭدى قابادى. سوندىقتان بۇرىنعىداي ءتورت ت ۇلىكتى اۋلاققا شىعارىپ, تيەسىلى جەرلەرىن بەرىپ, جەكە شارۋاشىلىقتارىن دامىتۋعا جاعداي جاساۋ كەرەك دەپ سانايمىن.
ءار اۋىلدا ءبىر كووپەراتيۆتەن قۇرىپ, ورتالىقتاندىرىلعان جۇيە قاجەت. جەرگىلىكتى جەرلەردە پىسكەن شۇجىق, ماي شىعاراتىن, ءسۇت, قايماق ايىراتىن تسەح اشۋدى دا قولعا الۋ كەرەك. قازىر, مىنە, سوعىمنىڭ ۋاقىتى, قانشاما مال سويىلىپ, تەرىسى مەن ءمۇيىزى, تۇياعى دالادا شاشىلىپ قالادى. جازدا قىرقىلعان قوي ءجۇنى دە اياق استىندا جاتادى. وسىنىڭ ءبارىن كادەگە جاراتاتىن ۋاقىت جەتتى. بۇل يگىلىكتەر كەلسە, اۋىلداعى اعايىنعا جۇمىس تابىلىپ, ەلدىڭ حال-احۋالى كوتەرىلەدى. تاماق ونىمدەرىنىڭ وزىندىك قۇنى ارزاندايدى. كيىم-كەشەك تە وزىمىزدەن شىعارىلار ەدى.
مۇحامەت-قايىر ءشارىپوۆ,
اۋىل شارۋاشىلىعى سالاسىنىڭ ارداگەرى
پاۆلودار وبلىسى,
باياناۋىل اۋدانى,
جاڭاتىلەك اۋىلدىق وكرۋگى
