قوعام • 28 قاراشا، 2022

قاراشاداعى قارا ولەڭ

52 رەت كورسەتىلدى

بىرەر جىل بۇرىن تارازدىق جاس اقىندار ارايلى جاقسىلىق پەن فايزۋللا ءتولتايدىڭ باس­تاماسىمەن قولعا الىنعان «اۆان­گارد» پوەتيكالىق جوباسى تارازعا قايتا ورالدى. كوڭىلىن كۇي كۇمبىرىمەن تەربەتكەن، جۇرەگىن جىر جولدارىمەن جۇباتقان جاستار «اۆانگاردتى» اڭساپ قالىپتى. «AYU» مەيرامحاناسىنا جينالعان ولاردىڭ جۇزىنەن ساعىنىش تابىن اڭعارعانداي بولدىق.

ەركىن فورماتتا وتەتىن جوبا بۇل جولى «ساعىنىش سوناتاسى» دەگەن اتاۋمەن ۇيىمداستىرىلدى. ءىس-شاراعا بارلىق بۋىن وكىلدەرىنىڭ اعىلىپ كەلگەنى كوڭىل قۋانتتى. كەلۋشىلەر ومىردەن وتكەن قالامگەرلەردى دە ۇمىتقان جوق. قازاقتىڭ قابىرعالى قالامگەرى نەسىپبەك ءداۋتايدىڭ دوسى اساۋباي مايلىباەۆتىڭ سوزىنەن وسىنى اڭعاردىق.

«مۇندا جينالعان جاستاردىڭ الدىڭعى بۋىن اعالارىن ۇمىتپاعانى كوڭىلدى تولقىتتى. ۇدايى جاس­تار­دىڭ جانىنان تابىلعان، كوزى تىرىسىندە «اۆانگاردتىڭ» العاشقى باس­قو­سۋ­لارىندا توبە كورسەتكەن نەسىپبەك دو­سىمدى ساعىنىپ ءجۇرمىن. نەسكەڭ باقيلىق بولعالى جالعىزسىراپ جۇرگەن جايىم بار. بۇگىن جاستاردىڭ وتتى ولەڭدەرىن تىڭداپ، ساعىنىشىمدى باسقانداي بولىپ وتىرمىن»، دەدى ول ءوز ويىمەن ءبولىسىپ.

اساۋباي مايلىباەۆتىڭ ويىن قۇپتاعان ارداگەر جۋرناليست بەكەت مومىنقۇل مەن بەلگىلى دارىگەر سا­عىندىق وردابەكوۆ تە جاستارعا دەگەن ريزاشىلىعىن جەتكىزدى. سوڭىنان شاپاعات ءابدىر، نۇرجان ءالىش باس­­تاعان اقىندار قاراشادا قارا ولەڭ­نەن توگىلدىرسە، جاس اقىن جانعازى احمەتتىڭ ۇلى نۇريمان سەمباي دا جەرگىلىكتى اقىنداردىڭ جىرىن جاتقا وقىپ، جۇرتتى تامسانتتى.

ءان مەن كۇي، ولەڭمەن ادىپتەلگەن جوبانىڭ بەسىنشى باسقوسۋىندا جەر­گىلىكتى سۋرەتشى ايدارحان سيحاەۆ كوڭىلىنە قونعان وبرازداردى قاعازعا ءتۇسىرىپ، قالامگەرلەردىڭ العىسىنا بولەندى.

 

تاراز

سوڭعى جاڭالىقتار

ۇقساس جاڭالىقتار