تۇراقتى بىرىنشىلىكتەگى كەيىنگى ءتورت ويىنىن ءوز ايدىنىندا وتكىزگەن اندرەي سكابەلكا شاكىرتتەرى سونىڭ تەك بىرەۋىندە عانا جەڭىسكە جەتىپ, ءۇش ماتچتا قارسىلاستارىنا جول بەردى. بۇعان دەيىن «امۋر» مەن «اك بارستان» وڭباي ۇتىلعان جەرلەستەرىمىز سوڭعى باسەكەسىندە «سپارتاكتى» جەڭە المادى. «بارىس» ءۇشىن بۇل كەزدەسۋ ءساتتى باستالعان ەدى. ءبىرىنشى كەزەڭنىڭ جەتىنشى مينۋتىندا نيكيتا ميحايليس مەرگەندىگىمەن كوزگە ءتۇسىپ, «بارىستى» ەسەپتە العا شىعاردى. الايدا ارادا 11-مينۋت وتكەندە قوناقتار سان باسىمدىعىن ءتيىمدى پايدالانىپ, تارازى باسىن تەڭەستىرىپ كەتتى. گولدىڭ اۆتورى – شەين پرينس.
ۇزىلىستەن كەيىن دە قوناقتاردىڭ العاشقى بەستىگى «بارىس» قاقپاسىنىڭ ماڭايىندا ءبىراز قاۋىپتى شابۋىل ۇيىمداستىردى. ناتيجەسىندە, پرينس قاتارىنان ەكى مارتە يۋليۋس گۋداچەكتىڭ قاقپاسىنان ساڭىلاۋ تاۋىپ, تابلوداعى كورسەتكىشتى 3:1-گە جەتكىزدى. ال ءۇشىنشى كەزەڭنىڭ العاشقى مينۋتىندا ماسكەۋلىكتەردەن الەكساندر حوحلاچيوۆ ويىننىڭ نۇكتەسىن قويدى – 4:1.
«بارىس» كەلەسى ويىنىن بۇگىن ەكاتەرينبۋرگتە جەرگىلىكتى «اۆتوموبيليستپەن» وتكىزەدى.
