تەننيس • 28 قاراشا، 2022

كۋكۋشكين كۇشىنە ەندى

35 رەت كورسەتىلدى

بىرەر جىل بۇرىن عانا تەننيستەن قازاقستاننىڭ ءبىرىنشى راكەتكاسى اتانىپ جۇرگەن ميحايل كۋكۋشكين سوڭعى ۋاقىتتا قارقىنىن جوعالتىپ العان-دى. ءوزى قاتىسقان تۋرنيرلەردىڭ باسىم بولىگىن ءساتسىز اياقتاپ، ناتيجەسىندە الەمدىك رەيتينگتە 250-ورىنعا دەيىن ءتۇسىپ قالعان ەدى.

 

كۋكۋشكين كۇنى كەشە يتا­لياداعى ان­دريا ءتۋرنيرىنىڭ فينالىندا كۇش سىناسۋ مۇمكىندىگىنە يە بولدى. دۇنيەجۇزىلىك رەيتينگتە 223-ورىندا تۇرعان جەرلەسىمىز جارتىلاي فينالدا الەمنىڭ 98-ءشى، وسى جارىستىڭ 1-راكەتكاسى ماجارستاندىق مارتون فۋچوۆيچپەن شەبەرلىك بايقاستى. ەكى سەتكە جالعاسقان ماتچ­تا م.كۋكۋشكين قارسىلاسىن 6:4، 6:4 ەسەبىمەن تىزە بۇكتىردى.

نەبارى ءبىر ساعات 18 مينۋتتا مارەسىنە جەتكەن ماتچتا كۋكۋشكين ەيس جاساماعانىمەن، 11 برەيك-پوينتتىڭ تورتەۋىن پايدالاندى. م.فۋچوۆيچ 2 ەيس، 2 برەيكپەن كوزگە ءتۇستى. كۋكۋشكين فينالدا الەمنىڭ 197-راكەتكاسى شۆەيتساريالىق لەوناردو رەيديمەن باس جۇلدەنى ساراپقا سالادى. قازاقستاندىق تەننيسشى جەكەلەي سىندا 14 رەت چەللەندجەر جارىسىنىڭ جەڭىمپازى اتانعان. سوڭعى رەت ميحايل 2018 جىلى يرۆينگتەگى (اقش) دودادا ۇزدىك شىققان بولاتىن.

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ءوندىرىس كولەمى كەمىگەن

قازاقستان • بۇگىن، 08:58

ۇقساس جاڭالىقتار