مەديتسينا • 27 قاراشا، 2022

قاتەرلى ىسىكتى ەمدەۋدىڭ جاڭا ءادىسى

94 رەت كورسەتىلدى

جەتىسۋدا العاش رەت وبلىستىق كوپسالالى كلينيكانىڭ ديرەكتورى ماديار ومىرباەۆتىڭ باسشىلىعىمەن راديوجيىلىك ابلياتسياسىن پايدالانا وتىرىپ، قاتەرسىز جانە قاتەرلى ىسىكتەردى ەمدەۋدىڭ جاڭا ءادىسى ەنگىزىلدى. بۇل ءتاسىلدىڭ ءوڭىر تۇرعىندارىنا ونكولوگيالىق كومەك كورسەتۋدە ماڭىزى زور.

جامان اۋرۋدى ەمدەۋدىڭ جاڭا جو­لى راديوجيىلىك ابلياتسياسى ارقىلى قاتەر­لى جانە قاتەرسىز ىسىكتەردى ەمدەۋ ءادىسى بولىم­شەسىنىڭ اشىلۋىنا وراي ۇيىم­داس­تىرىلعان. بۇل – مەديتسي­نا سالاسىندا قا­زىرگى زاماننىڭ از ءينۆازيۆتى جانە ءتيىمدى امالى. دارى­گەرلەر ينتەرۆەنتسيالىق ەم­دەۋ ادىستە­رىن ەنگىزۋدىڭ جاقسى ناتيجەلەرىن ەسكەرە وتىرىپ، «دياگنوستيكا مەن ەمدەۋ­دىڭ رەنتگەنحيرۋرگيالىق ادىستەرى» بولىمشەسىن اشۋ تۋرالى شەشىم قابىل­داعان. وسى رەتتە ساتىپ الىنعان گەنەراتور اپپاراتى تەرى استىنداعى حيرۋر­گيالىق پروتسەدۋرالاردا، لاپاروس­كو­پيا­لىق ينتراوپەراتسيالىق كواگۋلياتسيادا جانە تىندەردىڭ ابلياتسياسىندا قولدانىلادى.

«گەنەراتوردى ساتىپ العاننان كەيىن كلينيكادا پارەنحيمالىق ورگاندارعا: باۋىرعا، وكپەگە، بۇيرەككە، ءسۇت بەزىنە، بۇيرەك ءۇستى بەزىنە، قالقانشا بەزگە قا­تەرلى جانە قاتەرسىز ىسىكتەرگە حيرۋر­گيالىق ارالاسۋدىڭ جاڭا تۇرلەرىن جۇر­گىزۋ مۇمكىندىگى پايدا بولدى. سونىمەن قاتار جۇمىس ىستەمەيتىن سۇيەك ىسىكتەرىنىڭ ءىشىنارا نەمەسە تولىق ابلياتسياسى جاسالادى. ياكي، قاتەرسىز كىشى تۇرلەرىن قوسا وستەويدتار مەن وستەومالارعا، سۇيەكتىڭ قاتەرلى مەتاستازدارىنا، گينەكولوگيا مەن ۋرولوگيادا ەندومەتريالىق قان كەتۋلەرگە، ميومالار جانە ادەنوميوز­دار كەزىندەگى ابلياتسيا، ۆاريكوزدى تامىرلاردىڭ ابلياتسياسى جانە تامىرلى اقاۋلارعا كومەك كورسەتىلەدى»، دەيدى م.امانكەلدى ۇلى.

ارنايى وتكىزىلگەن ماستەر-كلاسستا رەسپۋبليكانىڭ جەتەكشى ينتەرۆەن­تسيالىق حيرۋرگتەرىنىڭ ءبىرى جانە وسى بولىمشەنىڭ مەڭگەرۋشىسى ءىلياس نۇرسەيى­توۆ ءوز تاجىريبەسىمەن ءبولىستى. سونداي-اق ارنايى شاقىرىلعان بىلىكتى ماماندار داۋرانبەك ارىبجانوۆ پەن استانا قالاسىنىڭ رەنتگەنحيرۋرگى ەۆگەني مۋن دا پىكىر الماستى.

ماستەر-كلاسستىڭ ءبىرىنشى كۇنى 7 وپە­­راتسيا جاسالدى. مىسالى، باۋىر ىسىك­تەرىنىڭ ترانسارتەريالدى حيميوەم­بوليزاتسياسى، ميومالارداعى جاتىر ارتەريالارىنىڭ ەمبوليزاتسياسى، تروم­­بوتسيتوپەنياداعى كوكباۋىر ار­تەريا­سىنىڭ ەمبوليزاتسياسى، باۋىر­دىڭ مەتاستاتيكالىق ىسىكتەرىنىڭ رجا جانە قالقانشا بەزىنىڭ قاتەرسىز ىسىكتە­رى­نىڭ راديوجيىلىك ابلياتسياسى جاسالدى. بار­لىق وپەراتسيا ءساتتى جانە اسقىنۋسىز ءوتتى.

«ينتەرۆەنتسيالىق حيرۋرگيا ادىستەرى پاتسيەنت ءۇشىن از ءينۆازيۆتى جانە اۋىرت­پالىقسىز، وڭالتۋ كەزەڭى قىسقا ۋاقىتتى قۇرايدى. قاتەرسىز ىسىكتەر ءۇشىن ابلياتسيا جۇرگىزگەننەن كەيىن ناۋقاس العاشقى كۇندەرى امبۋلاتوريالىق دەڭگەيدە قارالۋىنا مۇمكىندىك بار»، دەيدى م.امانكەلدى ۇلى.

شەبەرلىك ساعاتىنىڭ ەكىنشى كۇنى الىنعان ماتەريالدى بەكىتۋگە باعىت­تالدى. اۋدانداردان جانە قالالىق ونكولوگيالىق ورتالىقتاردان شاقىرىل­عان دارىگەرلەر ءۇشىن گتسك ءدارى-دارمەكپەن ەمدەۋ، تاحە جانە رجا ەنگىزۋ بويىن­شا شەتەلدە دالەلدەنگەن ماتەريالدار ۇسىنىلدى. سونىمەن قاتار ولار ادىستەردى قولدانۋ تاجىريبەسى بويىنشا عىلىمي باياندامالارمەن تانىستى.

بۇگىندە بۇيرەك پەن وكپەنىڭ قا­تەر­لى ىسىكتەرىن ەمدەۋدىڭ زاماناۋي ەرەك­شەلىكتەرىن زەرتتەي وتىرىپ، كلي­­نيكا وسى لوكاليزاتسيا بويىنشا حيميو­ەمبوليزاتسيانىڭ از ءينۆازيۆتى ادىستەرىن ەنگىزۋدى جانە ءوز مۇمكىندىكتەرىن كەڭەيتۋدى جوسپارلاپ وتىر.

ايتا كەتەيىك، ەمدەۋ ادىستەمەسىن الماتى جانە استانا قالالارىنداعى ونكولوگيا جانە راديولوگيا ينستيتۋتتارى سياقتى 3 دەڭگەيدەگى مەديتسينالىق مەكەمەلەر عانا مەڭگەرگەن. ەندى مۇنداي وپەراتسيا تالدىقورعان قالاسىنداعى وبلىستىق كوپسالالى كلينيكادا دا جاسالاتىن بولادى.

 

جەتىسۋ وبلىسى

سوڭعى جاڭالىقتار

جسدپ ۇمىتكەرلەرىن انىقتادى

ساياسات • بۇگىن، 00:08

ۇلت ءۇمىتىن اقتاعان

رۋحانيات • كەشە

يكەمدى باعام رەجىمى

قارجى • كەشە

ابە

ادەبيەت • كەشە

Enbek.kz ءبارىن جەڭبەك

قوعام • كەشە

«حات قورجىن»

ەگەمەن قازاقستان • كەشە

ابىگەرگە تۇسىرگەن تولاسسىز جاۋىن

توتەنشە جاعداي • كەشە

باۋكەڭنىڭ كوپ قىرى

ادەبيەت • كەشە

ۇقساس جاڭالىقتار