ايماقتار • 27 قاراشا، 2022

ايازداعى اپات

97 رەت كورسەتىلدى

ساقىلداعان سارى ايازدىڭ سالدارىنان ەكىباستۇز قالاسىنىڭ جىلۋ توراپتارىندا ۇلكەن اپات ورىن الدى. شاھاردىڭ جىلۋ جۇيەسىندە پايدا بولعان زاقىمدانۋدان ىستىق سۋ تولاسسىز ىسىراپ بولىپ، «ەكىباستۇزجىلۋەنەرگو» جشس-ىنداعى 4 بىردەي قازاندىق توقتاپ قالعان. سالدارىنان قالا بويىنشا بارلىق نىساندا جىلۋ باتارەيالارى سالقىنداپ، تۇرعىندار پاتەرلەرىندە بۇرسەڭ قاعىپ وتىر. ال كوپقاباتتى 130 ءۇي جىلۋدان تولىقتاي اجىراتىلدى.

«پاۆلودارەنەرگو» اق حابار­لاعانداي، توتەنشە جاعداي 27 قاراشا كۇنى، تۇنگى ساعات 01:20 شاماسىندا ورىن العان. اۋەلى سۋدىڭ وتە كوپ مولشەردە ىسىراپ بولۋىنان №11 قازاندىق اگرەگاتى ىستەن شىعادى، ال ارادا 10 مينۋت وتكەندە №13، 14، 15 قازاندىقتارى توقتايدى. سايكەسىنشە شاھارداعى ورتا­لىقتاندىرىلعان جىلۋعا قو­سىلعان بارلىق نىسان، سونىڭ ىشىندە تۇرعىن ۇيلەر مەن الەۋ­مەتتىك نىسانداردا جىلۋ پارا­مەترلەرى ءتۇسىپ كەتتى. ال ىستىق سۋ مۇلدە توقتاتىلدى.

كومىرلى شاھاردا 150 مىڭ­داي حالىق تۇرادى. اپاتتىڭ ادام ايتقىسىز ەكەنىن ەسكەرگەن پاۆلودار وبلىسىنىڭ اكىمى ابىلقايىر سقاقوۆ جەكسەنبى كۇنى تاڭەرتەڭگىلىك ەكىباستۇزعا جەدەل جەتىپ، جاعدايدى كوزىمەن كوردى. اكىم الەۋمەتتىك جەلىدەگى پاراقشاسىندا جاعدايدى بايانداپ، قالا  تۇرعىندارىن سابىرلى بولۋعا شاقىردى.

– جىلۋ-ەلەكتر ورتالىعىندا قازىر اپات بويىنشا شتاب قۇ­رىلىپ، ءوزىمنىڭ ءبىرىنشى  ورىنباسارىم ولەگ كرۋك، ەكىباستۇز قالاسىنىڭ اكىمى ايان بەيسەكين، «پاۆلودارەنەرگو» اق جانە ەكىباستۇز جەو باسشىلارى جاعدايدى باقىلاۋدا ۇستاۋدا. ساعات 11:00-دەگى جاعداي بويىنشا ستانسادا سۋ تۇتىنۋ ءۇش ەسەگە وسكەن. سۋدىڭ اعىپ كەتۋىنە تەست جۇرگىزىلدى. ستانسادا سۋ ازايى­پ جاتقان جوق. بۇل جىلۋ جە­لىلەرىندە اپات ورىن العانىن ايعاقتاپ وتىر. بىرنەشە دروندى ۇشىرىپ، جىلۋ توراپتارىنداعى ون زاقىمدانۋ ورنىن انىقتادىق. جىلۋ جەلىلەرىنىڭ ءبىر تۇسىندا ۇلكەن اپات ورىن العان بولۋى كەرەك. قالا تۇرعىندارىنان شى­دامدىلىق تانىتۋدى سۇراي­مىز، – دەدى ءا.سقاقوۆ.

بۇعان قوسا اكىم جوندەۋ بريگادالارى اقاۋ شىققان جەرلەردى جويىپ جاتقانىن  جەتكىزدى. الايدا جىلۋ قۇبىرلارىندا تۇندە جوعالىپ كەتكەن 1 200 توننا ىستىق سۋدىڭ قاي تۇستان تەسىپ شىققانى ءالى ناقتىلانباعان. ساعات كۇندىزگى 16:00 شاماسىندا قوسىمشا سۋ جوعالتۋ كولەمى 700 توننانى قۇرادى دەپ حابارلاندى.

اپر

وبلىس اكىمىنىڭ ءبىرىنشى ورىنباسارى ولەگ كرۋك كوپقاباتتى 130 تۇرعىن ءۇي بويىنشا جىلۋ قۇبىرلارىنداعى سالقىنداپ كەتكەن سۋ كەزەگىمەن اعىزىلىپ جاتقانىن ايتتى. وسى ارقىلى جىلىتۋ جۇيەسىنىڭ جۇكتەمەسىن ازايتىپ، ناقتى اقاۋ شىققان جەرلەردى تابۋ وڭاي بولادى.

– جىلۋ-ەنەرگو ورتالىعىندا 3 ەنەرگەتيكالىق قازاندىق، 1 سۋ جىلىتاتىن قازاندىق جۇمىس ىستەپ تۇر. ستانساداعى تەم­پە­راتۋرالىق پارامەترلەر 52-53 گرادۋستى كورسەتىپ تۇر. ونى 60 گرادۋسقا دەيىن جەتكىزۋ كوزدەلىپ وتىر. 15 جوندەۋ بريگاداسى قۇرىلىپ، جىلۋ قۇبىرلارىندا ورىن العان اپاتتاردى جويۋ­­مەن شۇعىلدانۋدا. تاعى 4 بري­گادا وزگە جەرلەردەگى ىقتيمال زاقىمدانۋلاردى ىزدەپ جاتىر، – دەپ حابارلادى ەكىباستۇز قالاسىنىڭ اكىمى ايان بەيسەكين.

قالالىق ءبىلىم بەرۋ ءبولىمى بۇگىن شاھاردىڭ بارلىق مەك­تەپتەرى وقۋشىلاردى قاشىقتان وقىتاتىنىن حابارلادى. كەشە كەشكىسىن ومىرلىك قيىن جاعدايعا تاپ بولعان بالالاردى قولداۋ ورتالىعىنىڭ 36 تاربيەلەنۋشىسى جانە «جاس وركەن» جاسوسپىرىمدەر ءۇيىنىڭ 11 وقۋشىسى پاۆلودار قالاسىنا جەتكىزىلىپ، №7 مەكتەپ-ينتەرناتىنا ورنالاستىرىلدى. تاعى 29 بالا ء«بىلىم-يننوۆاتسيا» ليتسەيىنە اۋىستىرىلدى. قالادا جالپى سانى 25 مەكتەپ، 21 341 وقۋشى بار.  شاھار اۋرۋحانالارىندا جاتقان 300 ادامدى قاجەت بولسا پاۆلودار مەن اقسۋ قالالارىنداعى ەمدەۋ مە­كەمەلەرىنە جەتكىزۋ جوسپارلانىپ وتىر.

جىلۋمەن قامتۋ مەكەمەسى جەر ۇيلەردىڭ تۇرعىندارى جۇيەنى قاتىرىپ الماۋى ءۇشىن ءوز بەتتە­رىمەن جىلۋ باتارەيالارىنان اۋىق-اۋىق سۋ اعىزۋدى سۇراپ وتىر.

 

پاۆلودار وبلىسى،

ەكىباستۇز قالاسى

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ۇقساس جاڭالىقتار