ماڭعىستاۋ وبلىسى پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىمەن بىرلەسىپ, كەلىپ تۇسكەن جەدەل اقپارات بويىنشا جەدەل-ىزدەستىرۋ ءىس-شارالارى بارىسىندا 25 قاراشادا ساعات 02:30 شاماسىندا اقتاۋ قالاسى اۋماعىندا 11-شاعىن اۋداننىڭ كوپقاباتتى ۇيلەرىنىڭ بىرىندە 40 جاستاعى كۇدىكتىنى ۇستادى.
جەكە ءتىنتۋ بارىسىندا ماريحۋانا ەسىرتكى زاتىنىڭ 12 تسەللوفان پاكەتى تاركىلەندى. ودان كەيىن تۇرعىلىقتى جەرى بويىنشا ءتىنتۋ جۇرگىزۋ كەزىندە پوليتسەيلەر ماريحۋانا ەسىرتكى زاتىنىڭ 11 ۇلكەن پوليەتيلەن پاكەتىن تاپتى. تاركىلەنگەن زاتتاردىڭ جالپى سالماعى – 41 كەلى.
سونىمەن قاتار كۇدىكتىدەن 3,3 ملن تەڭگەگە جۋىق اقشالاي قاراجات تاركىلەندى. كۇدىكتى ءوز ارەكەتىن تولىقتاي مويىندادى. بۇل دەرەك اقتاۋ قالاسى پب سدتبت-دا قر-ءنىڭ قك 296-بابى 4-بولىگى بويىنشا تىركەلدى. سوتقا دەيىنگى تەرگەۋ امالدارى جۇرگىزىلۋدە. سوت-ساراپتامالىق زەرتتەۋ تاعايىندالدى. كۇدىكتى ۋاقىتشا ۇستاۋ يزولياتورىنا قامالدى. تەرگەۋ مۇددەسى ءۇشىن وزگە اقپارات جاريا ەتىلمەيدى.
