قازاقستان • 26 قاراشا، 2022

الداعى سايلاۋ دەپۋتاتتىق كورپۋستىڭ وزگەرۋىنە مۇمكىندىك بەرەدى - م.اشىمباەۆ

50 رەت كورسەتىلدى

سەنات توراعاسى ماۋلەن اشىمباەۆ Facebook پاراقشاسىندا قازاقستان رەسپۋبليكاسى پرەزيدەنتىءنىڭ سالتاناتتى ۇلىقتاۋ ءراسىمى تۋرالى جازدى، دەپ حابارلايدى Egemen.kz.

«بۇگىن قازاقستان رەسپۋبليكاسىنىڭ پرەزيدەنتى قاسىم-جومارت كەمەل ۇلى توقاەۆتى سالتاناتتى ۇلىقتاۋ ءراسىمى ءوتتى. وسىلايشا مەملەكەت باسشىسى ءوزىنىڭ جەتى جىلدىق قىزمەتىنە رەسمي تۇردە كىرىستى. بۇل ەلىمىزدىڭ ساياسي ومىرىندەگى ايتۋلى وقيعا ەكەنى ءسوزسىز.

وتكەن سايلاۋدا ازاماتتارىمىز قاسىم-جومارت كەمەل ۇلىنا زور سەنىم ءبىلدىرىپ، ادىلەتتىلىككە تابان تىرەيتىن مەملەكەت، ەكونوميكا جانە قوعام قۇرۋ باعدارلاماسىن قىزۋ قولداعانى بەلگىلى. پرەزيدەنتىمىز ۇلتىمىزدىڭ وسى ءۇمىتىن اقتاۋ ءوزىنىڭ الداعى باستى مىندەتى بولاتىنىن جاريالادى. سونىمەن قاتار سايلاۋ الدىندا بەرىلگەن ۋادەلەردى ىسكە اسىرۋعا جول اشاتىن باستاپقى ءارى ناقتى جۇمىس باعدارلارىن ايقىنداپ كورسەتتى»، دەپ جازدى م.اشىمباەۆ.

سونداي-اق ول جازباسىندا پرەزيدەنتتىڭ زاڭ الدىندا ءبارىنىڭ تەڭ ەكەنىن ايتقان سوزىنە نازار اۋدارعان.

«ەلدەن زاڭسىز شىعارىلعان بارلىق اكتيۆتى ەلگە قايتارۋ ماڭىزدى مىندەتكە اينالۋدا. بۇل ءۇشىن زاڭسىز شەتەل اسقان كاپيتالدى قايتارۋعا قاجەتتى راسىمدەردى رەتتەيتىن زاڭ جوباسى ازىرلەنەتىنىن جەتكىزدى. سونداي-اق پرەزيدەنتىمىز وڭىرلەردى، ونىڭ ىشىندە اۋىلدارىمىزدى وركەندەتۋگە ايرىقشا كوڭىل ءبولىپ وتىر. وسىعان بايلانىستى قاسىم-جومارت كەمەل ۇلىنىڭ جاڭا پرەزيدەنتتىك مەرزىمدەگى ءبىرىنشى جارلىعى اۋىلدى دامىتۋ ماسەلەسىن شەشۋگە ارنالدى. سونىمەن بىرگە اۋقىمدى يندۋستريالاندىرۋ، ينفراقۇرىلىمداردى سالۋ جانە جاڭعىرتۋ ءىسى دە تىڭ سەرپىنمەن قولعا الىنادى»، دەلىنگەن جازبادا.

بۇدان سوڭ، ول كونستيتۋتسياعا سايكەس بيلىك تارماقتارى تۇگەل جاڭعىرتىلاتىنىن جازعان. الداعى جىلدىڭ 14 قاڭتارىندا سەنات دەپۋتاتتارىنىڭ سايلاۋى وتەدى.

«بۇل ءبىزدىڭ دەپۋتاتتىق كورپۋستىڭ ساپالىق تۇرعىدان وزگەرىپ، ءوز جۇمىسىن جاڭا مىندەتتەر اياسىندا لايىقتى جالعاستىرۋىنا مۇمكىندىك بەرەدى. ادىلەتتى قازاقستاندى قۇرۋ – بارشامىزدىڭ ورتاق ماقساتىمىز. وسى جانە الدا جاريالاناتىن باسقا دا باستامالار مەن مىندەتتەردى زاڭنامالىق تۇرعىدان ساپالى ءارى ۋاقتىلى قامتاماسىز ەتۋ سەناتتىڭ الدىنداعى باستى مىندەتى بولىپ قالا بەرەدى»، دەپ جازدى سەنات توراعاسى.

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار