پرەزيدەنت • 26 قاراشا، 2022

توقاەۆ زاڭسىز شىعارىلعان اكتيۆتەردى قايتارۋ تۋرالى زاڭعا قول قويدى

34 رەت كورسەتىلدى

مەملەكەت باسشىسى ەلدەن زاڭسىز شىعارىلعان اكتيۆتەردى مەملەكەتكە قايتارۋ جونىندەگى شارالار تۋرالى زاڭعا قول قويدى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

«قازاقستان رەسپۋبليكاسىنىڭ پرەزيدەنتى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 21-بابىنا سايكەس، ەلدەن زاڭسىز شىعارىلعان اكتيۆتەردى قازاقستان رەسپۋبليكاسىنا قايتارۋ، سونداي-اق زاڭسىز جولمەن الىنعان اكتيۆتەردى (بۇدان ءارى – زاڭسىز شىعارىلعان اكتيۆتەر) انىقتاۋ جانە ولاردى مەملەكەتكە قايتارۋ ماقساتىندا قاۋلى ەتەمىن:

1. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ باس پروكۋراتۋراسىمەن، قازاقستان رەسپۋبليكاسىنىڭ ۇلتتىق بانكىمەن، قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىمەن، قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىمەن (سىبايلاس جەمقورلىققا قارسى قىزمەتپەن)، قازاقستان رەسپۋبليكاسىنىڭ قارجىلىق مونيتورينگ اگەنتتىگىمەن، قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگىمەن، «سامۇرىق-قازىنا» ۇلتتىق ءال-اۋقات قورى» اكتسيونەرلىك قوعامىمەن جانە باسقا دا مۇددەلى مەملەكەتتىك ورگاندارمەن جانە ۇيىمدارمەن بىرلەسىپ، 2023 جىلعى 31 ناۋرىزعا دەيىن:

1) زاڭمەن رەتتەلەتىن قۇقىق قاتىناستارىنىڭ سۋبەكتىلەرىن انىقتاۋعا;

2) زاڭسىز شىعارىلعان اكتيۆتەردىڭ شىعۋ تەگىن اشۋ، راستاۋ جانە ولاردى قايتارۋ تەتىكتەرىن رەگلامەنتتەۋگە;

3) زاڭسىز شىعارىلعان اكتيۆتەردى قايتارۋ راسىمدەرىنىڭ اشىقتىعىن قامتاماسىز ەتۋگە;

4) زاڭسىز شىعارىلعان اكتيۆتەردى مەملەكەتكە ءوز ەركىمەن بەرۋدى ىنتالاندىرۋعا;

5) اكتيۆتەردى زاڭسىز شىعارۋعا ىقپال ەتكەن سەبەپتەر مەن شارتتاردى جويۋعا باعىتتالعان جۇيەلى شارالاردى قابىلداۋعا;

6) وكىلەتتىكتەرىن ايقىنداي وتىرىپ، زاڭسىز شىعارىلعان اكتيۆتەردى قايتارۋ ماسەلەلەرى جونىندەگى كونسۋلتاتيۆتىك-كەڭەسشى ورگاندى قۇرۋعا;

7) كەلىپ تۇسەتىن زاڭسىز شىعارىلعان اكتيۆتەردى جيناقتايتىن جانە ولاردى قازاقستان حالقىنىڭ ءال-اۋقاتىن ارتتىرۋعا باعىتتالعان الەۋمەتتىك جانە ەكونوميكالىق جوبالاردى قارجىلاندىرۋ ءۇشىن باسقاراتىن ارناۋلى مەملەكەتتىك قوردى قۇرۋعا باعىتتالعان قازاقستان رەسپۋبليكاسى زاڭىنىڭ جوباسىن ازىرلەسىن جانە قازاقستان رەسپۋبليكاسى پارلامەنتى ءماجىلىسىنىڭ قاراۋىنا ەنگىزسىن.

2. قازاقستان رەسپۋبليكاسىنىڭ باس پروكۋرورى قازاقستان رەسپۋبليكاسى باس پروكۋراتۋراسىنىڭ قۇرىلىمىندا زاڭسىز شىعارىلعان اكتيۆتەردى قايتارۋ بويىنشا جەكە بولىمشە قۇرۋ جونىندە ۇسىنىس ەنگىزسىن.

3. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ باس پروكۋراتۋراسىمەن جانە باسقا دا مۇددەلى مەملەكەتتىك ورگاندارمەن بىرلەسىپ، زاڭسىز شىعارىلعان اكتيۆتەردى انىقتاۋ جانە مەملەكەتكە قايتارۋ ءۇشىن شەت ەلدەرمەن جانە حالىقارالىق ۇيىمدارمەن، ونىڭ ىشىندە حالىقارالىق قۇقىقتىق كومەك شەڭبەرىندەگى ءتيىمدى ءوزارا ءىس-قيمىلدى جۇيەلى نەگىزدە قامتاماسىز ەتسىن.

4. قازاقستان رەسپۋبليكاسىنىڭ قۇقىق قورعاۋ جانە ارناۋلى مەملەكەتتىك ورگاندارى زاڭسىز شىعارىلعان اكتيۆتەردى قايتارۋعا مامانداناتىن بولىمشەلەردى ايقىنداسىن.

5. قازاقستان رەسپۋبليكاسىنىڭ ۇكىمەتى جانە قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار، سونداي-اق وزگە دە ۇيىمدار وسى جارلىقتى ىسكە اسىرۋ بويىنشا شارالار قابىلداسىن.

6. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

7. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

 

قازاقستان رەسپۋبليكاسىنىڭ

                 پرەزيدەنتى                                                     ق.توقاەۆ

 

استانا، اقوردا، 2022 جىلعى 26 قاراشا

                           № 3           

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار