25 قاراشا كۇنى ساعات 02:30 شاماسىندا 11-شاعىن اۋدانداعى كوپقاباتتى ۇيلەردىڭ بىرىندە 40 جاستاعى كۇدىكتى ۇستالدى.
ءتىنتۋ بارىسىندا ەسىرتكى سالىنعان 12 پوليەتيلەن پاكەت تاركىلەندى. ودان ءارى پوليتسەيلەر تۇرعىلىقتى جەرىن ءتىنتۋ كەزىندە ماريحۋانا سالىنعان تاعى 11 ۇلكەن پوليەتيلەن پاكەتتەرىن تاپتى.
تاركىلەنگەن زاتتاردىڭ جالپى سالماعى 41 كەلىنى قۇرادى. سونداي-اق, كۇدىكتىدەن 3 ملن 295 مىڭ تەڭگە قاراجات تاركىلەندى.
«كۇدىكتى ءوز كىناسىن مويىندادى. اتالاعان دەرەك اقتاۋ قالالىق تجد-دا قر قىلمىستىق كودەكسىنىڭ 296-بابىنىڭ 4-بولىگى بويىنشا تىركەلدى. سوتقا دەيىنگى تەرگەۋ امالدارى جۇرگىزىلىپ, سوت-مەديتسينالىق ساراپتاما تاعايىندالىپ, كۇدىكتى ۋاقىتشا ۇستاۋ يزولياتورىنا قاماۋعا الىندى», دەپ حابارلادى قالالىق پد ءباسپاسوز قىزمەتى.
