دارىگەرلەردىڭ ايتۋىنشا, اپات سالدارىنان 18 ادام اۋرۋحاناعا جەتكىزىلگەن.
«بارلىعى 18 ادام مەديتسينالىق كومەككە جۇگىندى. ولاردىڭ تورتەۋى اۋىر حالدە. سيتۋاتسيالىق ورتالىقتىڭ ناقتى جۇمىسىنىڭ ارقاسىندا اۋىر ناۋقاستار اۋرۋحانالار اراسىندا ءبولىندى. تۇراقتى ديناميكاسى بار ەكەۋى وڭتۇستىك-شىعىستاعى بازاعا جىبەرىلدى. وتە اۋىر حالدەگى ەكى ناۋقاس وقيعا ورنىندا قالدى. جەرگىلىكتى اۋرۋحانانىڭ كۇشتەرى مەن حيرۋرگتار وپەراتسيالىق بولىمشە جاعدايىندا شوكقا قارسى جانە رەانيماتسيالىق شارالاردى باستادى.
حيرۋرگتەر بريگاداسى ۇيىمداستىرىلدى. ونىڭ قۇرامىنا مەديتسينا ۋنيۆەرسيتەتىنىڭ قىزمەتكەرلەرى, وسى بازادا ورنالاسقان حيرۋرگتار كىردى. وڭتۇستىك-شىعىستان حيرۋرگتار تارتىلدى. قازىرگى ۋاقىتتا ناۋقاستاردىڭ جاعدايى اۋىر. قارقىندى تەراپيا جۇرگىزىلۋدە», دەپ ءتۇسىندىردى ح.ج. اتىنداعى كوپسالالى اۋرۋحانا تراۆماتولوگيا بولىمشەسىنىڭ مەڭگەرۋشىسى ماقاجانوۆا بەرىك تولەۋباەۆ.
ايتا كەتەيىك, قاراعاندىدا بۇگىن تاڭەرتەڭ ەكى جولاۋشى اۆتوبۋسى سوقتىعىستى. سالدارىنان قوعامدىق كولىك جۇرگىزۋشىلەرىنىڭ ءبىرى كوز جۇمدى.
