ماسكەۋ-قاراعاندى رەيسىن تەكسەرۋ كەزىندە كوشى-قون قىزمەتى قالالىق اۋەجايدا 34 جاستاعى ەر ادامدى ۇستادى. تەكسەرۋ بارىسىندا ۇستالعان ازاماتتىڭ قوس ازاماتتىعى بار ەكەنى انىقتالدى. ءبىرى قازاق, ەكىنشىسى رەسەي فەدەراتسياسىنىڭ ازاماتى.
«قۇقىق بۇزۋشىعا قاتىستى كولىك پوليتسياسىنىڭ قىزمەتكەرلەرى قر اقبتك-ءنىڭ 496-بابىنىڭ 2-بولىگىمەن «شەتەل ازاماتتىعىن الۋ فاكتىسىن قازاقستان رەسپۋبليكاسىنىڭ زاڭناماسىندا بەلگىلەنگەن مەرزىمدە حابارلاماۋ» بويىنشا اكىمشىلىك حاتتاما تولتىردى», دەپ حابارلادى پوليتسيا باسقارماسىنىڭ ءباسپاسوز قىزمەتى
قاراعاندى وبلىسى بۇقار جىراۋ اۋداندىق سوتىنىڭ قاۋلىسىمەن رەسەي ازاماتى 428 820 تەڭگە كولەمىندە اكىمشىلىك ايىپپۇل تۇرىندەگى جاۋاپكەرشىلىككە تارتىلدى.
ۆەدومستۆونىڭ مالىمەتىنشە, بيىلعى جىلدىڭ باسىنان بەرى قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزعانى ءۇشىن 1136 ازامات اكىمشىلىك جاۋاپكەرشىلىككە تارتىلعان. ونىڭ ىشىندە قوس ازاماتتىعى بار 53 ازامات بار.
194 شەتەلدىك قازاقستاننان شىعارىلدى. ولاردىڭ بارلىعىنا 5 جىل مەرزىمگە ەلگە كىرۋگە تىيىم سالىنعان.
