اتالعان جارىستا اسىلجان باقىتجان ۇلى دا ونەر كورسەتەدى. اۋىر سالماقتا ايقاسىپ جۇرگەن 31 جاستاعى قازاق سپورتشىسى بۇعان دەيىن اسا جارىستارىندا تابىستى ونەر كورسەتىپ, ءار كەز ۇزدىكتەر قاتارىندا بولدى. وكتاگوندا بارلىعى 13 كەزدەسۋ وتكىزگەن «ساق» سول باسەكەلەردىڭ 10-ىن ءوز پايداسىنا شەشتى. سەگىز قارسىلاسىن ايقىن باسىمدىقپەن ۇتتى. سوڭعى جەكپە-جەگىن اسىلجان 17 قىركۇيەكتە يراندىق حاسان يۋسەفيمەن وتكىزىپ, ونى ەكىنشى راۋندتا قىلقىندىرىپ تاستادى.
ەكاتەرينبۋرگتەگى بۇل جولعى قارسىلاسى دا وتە قارىمدى. ول رەسەيلىك يۆان شترىكوۆپەن ايقاسادى. 34 جاستاعى حاباروۆسك تۋماسىنىڭ سامبودان الەم كۋبوگىنىڭ قولا جۇلدەگەرى دەگەن اتاعى بار. ول ارالاس جەكپە-جەكپەن 2015 جىلدان بەرى شۇعىلدانىپ ءجۇر. سول ارالىقتا 24 كەزدەسۋ وتكىزىپ, سونىڭ 21-ىندە جەڭىسكە جەتتى. 15 باسەكەلەسىن ايقىن باسىمدىقپەن ۇتتى. ەكى رەت ۇتىلىپ, تاعى ءبىر ايقاستا تەڭ ەسەپ تىركەلدى.
