قازاقستان • 24 قاراشا، 2022

اۋىل تۇرمىسىن جاقسارتۋعا 128 ملرد تەڭگە ءبولىندى

31 رەت كورسەتىلدى

پرەمەر-ءمينيستردىڭ ءبىرىنشى ورىنباسارى رومان سكليار قازاقستانداعى اۋىلداردى دامىتۋ ماسەلەسىنە توقتالىپ، «اۋىل – ەل بەسىگى» باعدارلاماسىنا جۇمسالعان قارجىنى اتادى، دەپ حابارلايدى Egemen.kz

ونىڭ ايتۋىنشا، بيىل 576 اۋىلدىڭ تۇرمىسىن جاقسارتۋ جوباسىنا 128 ملرد تەڭگە بولىنگەن. ونىڭ 91 ميلليونى تۇرعىن ءۇي-كوممۋنالدىق شارۋاشىلىعىنا، 454 ميلليونى الەۋمەتتىك ينفراقۇرىلىمعا، 511 ميلليونى كولىك ينفراقۇرىلىمىنا جۇمسالدى.

قازاقستاندا 6 293 اۋىلدىق ەلدى مەكەن بار. وندا 8 ميلليونعا جۋىق ادام تۇرادى، ياعني حالقىمىزدىڭ 41 پايىزى.

«2019 جىلدان بەرى ەلىمىزدە «اۋىل - ەل بەسىگى» جوباسى جۇزەگە اسىرىلۋدا. ونىڭ ماقساتى الەۋەتى بار 3،5 مىڭ اۋىلدىڭ ينفراقۇرىلىمىن دامىتۋ. 2019-2021 جىلدارى بۇل جوباعا 200 ميلليارد تەڭگە ءبولىندى. قاجەتتى ينفراقۇرىلىمدار 665 اۋىلدا جاسالدى.  اۋىلدىڭ جاعدايىن جاقسارتۋعا جەكە ينۆەستورلار دا ءوز ۇلەسىن قوسۋدا. 2019 جىلدان بەرى ولار 57 ميلليارد تەڭگە ينۆەستيتسيا سالىپ، 2 مىڭعا جۋىق جوبانى جۇزەگە اسىردى»، دەدى رومان سكليار سەنات وتىرىسىندا.

كەلەسى جىلى اتالعان ماقسات بويىنشا 663 اۋىلدى جاقسارتۋعا 140 ملرد قارجى بولىنەدى.

«اۋىل تۇرعىندارىنىڭ باستى ماسەلەسى - جۇمىسپەن قامتۋ. بۇل باعىتتا نە ىستەپ جاتىرمىز؟ «باستاۋ-بيزنەس» جوباسى بويىنشا 66 مىڭ ادامدى كاسىپكەرلىككە وقىتتىق. 10 مىڭ اۋىل تۇرعىنى ءوز ءىسىن اشۋعا جالپى سوماسى 50 ميلليارد تەڭگە نەسيە الدى. بۇرىن جامبىل وبلىسىندا پيلوتتىق شارا جۇرگىزدىك، سوعان سايكەس اۋىل تۇرعىندارىنا اكك ارقىلى 2،5 پايىزبەن نەسيە بەرىلدى. كەلەسى جىلدان باستاپ بارلىق ايماقتارعا بەرەمىز. بۇل ءۇشىن 52 ميلليارد تەڭگەدەن استام قارجى بولەمىز. وسى ارقىلى 11 مىڭ جۇمىس ورنى اشىلادى دەپ كۇتۋدەمىز»، دەدى رومان سكليار.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار