قازاقستان • 24 قاراشا، 2022

وتاندىق تاۋارلاردى قولدامايتىن دۇكەندەرگە شارا قولدانىلۋى مۇمكىن

30 رەت كورسەتىلدى

پالاتانىڭ كەزەكتى وتىرىسىندا سەنات توراعاسى ماۋلەن اشىمباەۆ قازاقستاندىق جانە شەتەلدىك تاۋار وندىرۋشىلەرگە ءتيىستى مۇمكىندىكتەردىڭ ءارتۇرلى قالىپتاسىپ وتىرعانى تۋرالى ماسەلەنى كوتەردى. ونىڭ ايتۋىنشا، سۋپەرماركەتتەردە يمپورتقا باسىمدىق بەرۋ ءالى دە بايقالىپ وتىر، دەپ حابارلايدى Egemen.kz.

ء«بىز بۇل ماسەلەنى بۇرىن دا كوتەرگەن ەدىك. ساۋدا جەلىلەرى قازاقستاندىق كاسىپكەرلەردەن قوسىمشا اقى تالاپ ەتۋگە كوشكەن. ونى يمپورتتاۋشىلار جاساپ وتىر، ال ءبىزدىڭ اۋىلشارۋاشىلىق تاۋار وندىرۋشىلەرىمىزدىڭ ولاي ىستەۋگە مۇمكىندىگى جوق. ءونىمنىڭ وزىندىك قۇنى ونسىز دا جوعارى»، دەدى سەنات توراعاسى جيىن بارىسىندا.

وسى ورايدا، ماۋلەن اشىمباەۆ سەناتورلاردىڭ نازارىنا وسى سالاداعى ناقتى جۇمىستىڭ ناتيجەسىن جەتكىزۋدى تالاپ ەتتى.

«جاقىن ارادا وتاندىق اۋىل شارۋاشىلىعى تاۋارىن وندىرۋشىلەر ءوز ونىمدەرىن ءىرى ساۋدا جەلىلەرىندە جاقسى ورىندارعا قويۋعا مۇمكىندىك الادى دەپ سەنەمىز. ۇكىمەت وسى باعىتتا قانداي شەشىمدەر قابىلدانعانى تۋرالى دەپۋتاتتارعا ارنايى حابارلايدى دەپ ۇمىتتەنەمىز. ەگەر ساۋدا جەلىلەرى مۇنداي تالاپتاردى ورىنداماسا، وندا قولدانىستاعى زاڭناما اياسىندا ولارعا قاتىستى قانداي شارالار قولدانۋعا بولاتىنى قارالادى»، دەدى سەنات توراعاسى.

ماۋلەن اشىمباەۆ وسىعان دەيىن مۇنداي جاعداي باعا مەن ينفلياتسيانىڭ وسۋىنە ىقپال ەتەتىنىن اتاپ وتكەن ەدى.

«بۇل ءبىز ارقاشان جەلىلىك ساۋدا ورىندارىن باقىلاي بەرمەيتىندىگىمىزدەن تۋىنداپ وتىر. ءبىز اۋىل شارۋاشىلىعى تاۋارىن وندىرۋشىلەرگە قولداۋ بىلدىرمەيمىز دەگەن ءسوز. بۇل ماسەلەنى وزگەشە شارا قابىلداۋ كەرەك بولعاندا ءنورماتيۆتى تۇردە رەتتەۋگە بولادى»، دەپ اتاپ ءوتتى ماۋلەن اشىمباەۆ.

ول سونداي-اق دەپۋتاتتار قاجەت بولعان جاعدايدا زاڭدارعا قاجەتتى تۇزەتۋلەر ەنگىزۋگە دايىن ەكەنىن جەتكىزدى.

سوڭعى جاڭالىقتار

دوللار باعامى قايتا ءوستى

قارجى • بۇگىن، 16:12

ۇقساس جاڭالىقتار