ەلدىڭ دەنساۋلىق ساقتاۋ ءمينيسترى فاحرەتتين قوجا بۇعان دەيىن 68 ادامنىڭ زارداپ شەككەنىن حابارلاعان ەدى. قازىر ولاردىڭ سانى 93 ادامعا جەتتى. ولاردىڭ 14-ءى دارىگەرلەردىڭ باقىلاۋىندا جاتىر.
ءمينيستردىڭ ايتۋىنشا, زارداپ شەككەندەردىڭ كوپشىلىگى - ديۋزدجە تۇرعىندارى. ادامدار ءارتۇرلى دارەجەدەگى دەنە جاراقاتتارىن الدى.
تۇركيا ۇكىمەتىنىڭ توتەنشە جاعدايلاردىڭ الدىن الۋ جانە جويۋ باسقارماسىنىڭ (AFAD) جاڭارتىلعان مالىمەتتەرىنە سايكەس, ايماقتا 212 جەر استى دۇمپۋلەرى بولدى, ولاردىڭ ەڭ كۇشتىسى 4,3 باللدى قۇرادى.
بۇعان دەيىن تۇركيادا جەرگىلىكتى ۋاقىت بويىنشا ساعات 04:08-دە ريحتەر شكالاسى بويىنشا 5,9 بالدىق جەر سىلكىنىسى بولعانى حابارلانعان ەدى. جەر استى دۇمپۋلەرىنىڭ ەپيتسەنترى ەلدىڭ سولتۇستىك-باتىسىندا ءدال وسى پروۆينتسيانىڭ ديۋزدجە قالاسىندا بولدى.
