قوعام • 24 قاراشا، 2022

شەتەلدىك كولىكتەر 200 مىڭ تەڭگەگە تىركەلەدى

46 رەت كورسەتىلدى

ەندى قازاقستاندا شەتەلدىك اۆتوكولىكتى بۇرىنعىداي ميلليونداعان سوماعا ەمەس، 200 مىڭ تەڭگە باستاپقى ەسەپكە قويۋعا بولادى. بۇل تۋرالى سەناتتىڭ بۇگىنگى وتىرىسىندا بەلگىلى بولدى، دەپ حابارلايدى Egemen.kz.

قويىلاتىن جالعىز شارت – كولىك 2022 جىلدىڭ 1 قىركۇيەگىنە دەيىن ەلگە كەلگەن بولۋى كەرەك. قازاقستان پرەزيدەنتى ءوز جولداۋىندا قازاقستاندىقتارعا ءوز كولىكتەرىن زاڭداستىرۋ قۇقىعىن بەرۋ تۋرالى ءدال وسى كۇنى تاپسىرما بەرگەن ەدى. بۇگىن سەنات ءتيىستى زاڭ قابىلداپ، ونى مەملەكەت باسشىسىنا قول قويۋعا جىبەردى.

اتالعان زاڭدا كاسىپكەرلەردىڭ سالىق جۇكتەمەسىن ازايتۋ ماسەلەسى دە قوزعالعان. ماسەلەن، ەگەر قازىر شاعىن جانە شاعىن بيزنەس ەڭبەكاقى تولەۋ قورىنىڭ 34،5%-ىن تولەۋى ءتيىس بولسا، كەلەسى جىلدان باستاپ ولار بىرىڭعاي تولەمدى ءوز ەركىمەن تولەي الادى. بۇل ءىس جۇزىندە 2 ەسە از، ياعني 20% بولادى، بىراق 2028 جىلعا قاراي 26،3%-عا دەيىن بىرتىندەپ وسەدى.

ايتا كەتسەك، زاڭداعى بىرقاتار تۇزەتۋلەر ازىق-ت ۇلىك تاۋارلارىنىڭ باعاسىنا دا وڭ اسەر ەتۋى كەرەك. مىسالى، قانت، كونديتەرلىك ونىمدەر مەن اشىتقى وندىرۋشىلەر ءۇشىن قوسىلعان قۇن سالىعىنىڭ سوماسى 70%-عا ازايادى، ال قانت شيكىزاتىن يمپورتتاۋشىلار ققس تولەۋدەن تولىعىمەن بوساتىلادى. سونداي-اق، بالىق وڭدەۋمەن اينالىساتىن كاسىپكەرلەرگە ققس تولەمى 70%-عا تومەندەيدى.

«قابىلدانعان زاڭ ينۆەستيتسيا تارتۋعا جانە بيزنەس-ورتانى دامىتۋعا قوسىمشا قۇقىقتىق جاعداي قالىپتاستىرادى. اتاپ ايتقاندا، جەكەلەگەن سالالاردا قوسىلعان قۇن سالىعى بويىنشا جەڭىلدىكتەر بەرۋ ارقىلى ءوندىرىستى ىنتالاندىرۋ كوزدەلىپ وتىر. جاڭا نورمالار ەڭبەكاقى قورىنا جۇكتەمەنى ازايتۋعا مۇمكىندىك بەرەدى. بۇل – مەملەكەت باسشىسىنىڭ تاپسىرماسىن ىسكە اسىرۋعا ارنالعان شارا. الداعى ۋاقىتتا وسى زاڭ حالىققا جانە بيزنەسكە كورسەتىلەتىن قىزمەتتەردىڭ ساپاسى مەن دەڭگەيىن كوتەرۋگە مۇمكىندىك بەرەدى دەپ سەنەمىز»، دەپ اتاپ ءوتتى ماۋلەن اشىمباەۆ.

سوڭعى جاڭالىقتار

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

قاسقىر

ونەر • كەشە

ۇقساس جاڭالىقتار