دارحان قىدىرالىنىڭ ايتۋىنشا, مينيسترلىك «مەملەكەتتىك جاستار ساياساتى تۋرالى» قازاقستان رەسپۋبليكاسى زاڭىنىڭ جوباسىن ازىرلەگەن. زاڭ جوباسىن پارلامەنت ءماجىلىسى ماقۇلداپ, سەناتتىڭ قاراۋىنا ەنگىزدى.
«زاڭ جوباسى مەملەكەتتىك ورگانداردىڭ قىزمەت باعىتتارى مەن قۇزىرەتتەرىمەن تولىقتىرىلدى. بۇل زاڭنىڭ باستى جاڭالىقتارىنىڭ ءبىرى جاستار جاسىن 35 جاسقا دەيىن ۇلعايتۋ بولماق. وسىلايشا, جاستاردى مەملەكەتتىك قولداۋ كولەمى ەكى ەسەگە جۋىق, ياعني 3,7 ميلليوننان 6 ميلليون ادامعا دەيىن وسەدى», دەپ اتاپ ءوتتى مينيستر.
بۇل زاڭ جوباسى جاستاردىڭ دامۋ يندەكسىن ەنگىزەدى. سونىمەن قاتار NEET ساناتىنداعى جاستاردىڭ قۇقىقتىق مارتەبەسىن قاراستىرادى.
