پرەزيدەنت • 23 قاراشا، 2022

پرەزيدەنت ۇقشۇ ۇجىمدىق قاۋىپسىزدىك كەڭەسىنىڭ سەسسياسىنا قاتىستى

67 رەت كورسەتىلدى

قاسىم-جومارت توقاەۆ، ەڭ الدىمەن، كەزەكتەن تىس وتكەن پرەزيدەنت سايلاۋىنداعى جەڭىسىمەن قۇتتىقتاعان جيىنعا قاتىسۋشىلارعا العىس ايتتى، دەپ حابارلايدى Egemen.kz.

– قازاقستاننىڭ ايماقتاعى وداقتاستارىمەن جانە سەرىكتەستەرىمەن اراداعى دوستىقتى، تاتۋ كورشىلىكتى جانە ءوزارا ءتيىمدى ىنتىماقتاستىقتى جان-جاقتى نىعايتۋ جونىندەگى ستراتەگيالىق باعىتى وزگەرمەيتىنىن اتاپ وتكىم كەلەدى. ءبىز الداعى ۋاقىتتا دا سىزدەردىڭ مەملەكەتتەرىڭىزبەن ەكىجاقتى جانە كوپجاقتى فورماتتاعى قارىم-قاتىناستاردىڭ جوعارى دەڭگەيىن ساقتاۋعا كۇش سالامىز، – دەدى پرەزيدەنت.

مەملەكەت باسشىسى ۇقشۇ اياسىنداعى ىنتىماقتاستىقتىڭ ءتۇرلى باعىتىنا قاتىستى ەلىمىزدىڭ ۇستانىمىن جەتكىزدى. ۇيىمعا مۇشە ەلدەر باسشىلارىنىڭ قورىتىندى كەزدەسۋى كۇردەلى گەوساياسي قايشىلىقتار مەن بۇرىن-سوڭدى بولماعان سىن-قاتەرلەر جاعدايىندا ءوتىپ جاتقانىن ايتتى.

– حالىقارالىق ىستەردە كۇشەيە تۇسكەن تۇراقسىزدىق ۇقشۇ كەڭىستىگىن دە اينالىپ وتكەن جوق. ءبىزدىڭ ايماقتا بۇكىل ەۋرازيا كەڭىستىگىندەگى تۇراقتىلىققا، قاۋىپسىزدىككە نۇقسان كەلتىرەتىن جانجالدار ءالى دە جالعاسىپ جاتىر. مۇنداي جاعدايدا اشىق، شىنايى، كونسترۋكتيۆتى ديالوگتى ساقتاۋ جانە دامىتۋ وتە ماڭىزدى. بۇل – كۇردەلى داعدارىستار مەن قايشىلىقتاردان شىعۋدىڭ ءتيىمدى ءارى وڭتايلى جولى، – دەدى قاسىم-جومارت توقاەۆ.

پرەزيدەنت ارميان-ازەربايجان قاقتىعىسىن ديپلوماتيالىق جولمەن رەتتەۋگە باعىتتالعان شارالاردى قولدادى.

– ارمەنيا مەن ازەربايجان اراسىنداعى قارىم-قاتىناستىڭ قالپىنا كەلۋىنە ءبارىمىز دە مۇددەلىمىز. رەسەي تاراپىنىڭ بىتىمگەرلىك ارەكەتتەرى ارميان-ازەربايجان قاقتىعىسىن تەك ساياسي-ديپلوماتيالىق جولمەن شەشۋگە جانە ەكى جاقتىڭ بەيبىت كەلىسىمگە قول قويۋىنا مۇمكىندىك بەرەدى دەپ ۇمىتتەنەمىز، – دەدى مەملەكەت باسشىسى.

قاسىم-جومارت توقاەۆ اۋعانستانداعى جاعدايعا ارنايى توقتالدى.
 
– بۇل مەملەكەتتەگى جاعدايدى رەتتەۋ جولدارىن قاراستىرۋ – ۇقشۇ-نىڭ وڭتۇستىك شەكارالارىنداعى قاۋىپسىزدىكتى قامتاماسىز ەتۋدىڭ نەگىزگى فاكتورلارىنىڭ ءبىرى. قازاقستان وسى ەلدىڭ وزەكتى الەۋمەتتىك-ەكونوميكالىق ماسەلەلەرىن شەشۋ ءۇشىن اۋعانستان باسشىلىعىمەن ءوزارا ىنتىماقتاستىقتى جالعاستىرۋعا نيەتتى. ءبىز اۋعانستانعا گۋمانيتارلىق كومەك كورسەتىپ كەلەمىز، – دەدى پرەزيدەنت.

مەملەكەت باسشىسى ۇيىم اياسىنداعى ءىس-ارەكەتتى ودان ءارى دامىتۋعا بايلانىستى بىرقاتار ۇسىنىس ايتتى. سونىڭ ىشىندە ۇقشۇ-نىڭ بىتىمگەرلىك الەۋەتىن دامىتۋ ماسەلەسىن جۋىق اراداعى باسىمدىق رەتىندە اتاپ ءوتتى.

قاسىم-جومارت توقاەۆ ءسوزىن قورىتىندىلاي كەلە ارميان تاراپىنا جانە نيكول پاشينيانعا ۇقشۇ توراعاسى رەتىندەگى تابىستى جۇمىسى ءۇشىن العىس ايتىپ، بەلارۋس پرەزيدەنتى الەكساندر لۋكاشەنكونىڭ 2023 جىلى اتقاراتىن توراعالىعىنا ساتتىلىك تىلەدى.

جوسپارلانعان روتاتسيا اياسىندا مەملەكەتتەر باسشىلارى قازاقستان وكىلى يمانعالي تاسماعامبەتوۆتى 2023 جىلدىڭ 1 قاڭتارىنان باستاپ ءۇش جىل مەرزىمگە ۇقشۇ باس حاتشىسى قىزمەتىنە تاعايىنداۋ تۋرالى شەشىم قابىلدادى.

سوڭعى جاڭالىقتار

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

قاسقىر

ونەر • كەشە

ۇقساس جاڭالىقتار