سىرتقى ىستەر ءمينيسترىنىڭ ورىنباسارى رومان ۆاسيلەنكو تۇسىندىرگەندەي, قۇجات ينۆەستورلاردىڭ ينۆەستيتسيالىق قىزمەتتى جۇزەگە اسىرۋ قۇقىقتارىنا كەپىلدىكتەردى قامتاماسىز ەتۋ ارقىلى ىنتىماقتاستىقتىڭ قۇقىقتىق نەگىزىن قۇرۋدى كوزدەيدى, سونداي-اق ينۆەستيتسيالىق احۋالدى جاقسارتۋعا جانە ەلدەر اراسىنداعى ىنتىماقتاستىقتى ودان ءارى دامىتۋعا ىقپال ەتەدى.
«كەلىسىم سونداي-اق سوعىس جانە باسقا دا قارۋلى قاقتىعىستار سالدارىنان, سونداي-اق مەملەكەت مەنشىگىنە الۋ جانە ەكسپروپرياتسيالاۋ كەزىندە كەلتىرىلگەن زالال مەن شىعىنداردى وتەۋ ءتارتىبىن بەلگىلەيدى. سونىمەن قاتار ينۆەستيتسيالىق داۋلاردى شەشۋ ءتارتىبى ەگجەي-تەگجەيلى بەلگىلەنىپ جاتىر», دەپ قوستى ءماجىلىس دەپۋتاتى ايگۇل قۇسپان.
رومان ۆاسيلەنكونىڭ ايتۋىنشا, 2022 جىلدىڭ 9 ايىندا ەلدەر اراسىنداعى تاۋار اينالىمى 558 ميلليون اقش دوللارىن قۇراسا, ءبىرىنشى جارتىجىلدىقتا ينۆەستيتسيا اعىنى وتكەن جىلدىڭ وسى كەزەڭىمەن سالىستىرعاندا ەكى ەسەگە ارتىپ, 127 ميلليون اقش دوللارىن قۇراعان. 2005 جىلدان باستاپ بۇگىنگى كۇنگە دەيىن ءباا-دەن كەلگەن تىكەلەي شەتەلدىك ينۆەستيتسيا اعىنى 2,9 ملرد اقش دوللارىن قۇرادى. 1 قازانداعى جاعداي بويىنشا قازاقستاندا ءباا كاپيتالىنىڭ قاتىسۋىمەن 371 زاڭدى تۇلعا تىركەلدى, 5,3 ملرد اقش دوللارىن قۇرايتىن 28 جوبا جۇزەگە اسىرىلۋدا.
