وقيعا • 23 قاراشا، 2022

ۇلىتاۋدا التىن كەنىن زاڭسىز وندىرۋمەن اينالىسقاندار ۇستالدى

62 رەت كورسەتىلدى

17 قاراشادا ۇلىتاۋ وبلىسىنىڭ پوليتسيا قىزمەتكەرلەرى التىن كەنىن زاڭسىز وندىرۋمەن اينالىسقان 30 جانە 41 جاستاعى جەتى ەر ادامدى ۇستادى، دەپ حابارلايدى Egemen.kz.

وقيعا ورنىنان ەكسكاۆاتور، سۋ ايداۋعا ارنالعان قۇبىرلار مەن شلانگتار، ءبىر بوشكە جانارماي جانە 83 قاپ التىن كەنى تاركىلەندى.  

ودان ءارى جەدەل-ىزدەستىرۋ ءىس-شارالارى بارىسىندا پوليتسەيلەر وسى قىلمىستى ۇيىمداستىرۋعا قاتىسى بار كۇدىكتىلەردى – ەكى جول تالعامايتىن كولىكپەن جۇرگەن 23 جانە 34 جاستاعى ەكى ەر ادامدى ۇستادى.

ء«بىرىنشى كولىكتى تەكسەرۋ بارىسىندا بەس پاتروندارى بار تاپانشا تابىلىپ، تاركىلەندى. ساراپتاما قورىتىندىسىنا سايكەس، تاپانشا اتۋعا جارامدى. ەكىنشى كولىكتەن پوليتسەيلەر ءۇش پاترونمەن بىرگە تراۆماتيكالىق تاپانشا تاپتى. ساراپتاما قورىتىندىسى بويىنشا قارۋ اتۋعا جارامدى»، دەپ جازىلعان ءىىم تاراتقان حابارلامادا.   

اتالعان جاعدايعا بايلانىستى قر قك-ءنىڭ 334-بابى (جەر قويناۋىن ءوز بەتىنشە پايدالانۋ) جانە قر قك-ءنىڭ 287-بابى (قارۋدى، وق-دارiلەردi، جارىلعىش زاتتاردى جانە جارىلىس قۇرىلعىلارىن زاڭسىز يەمدەنۋ، بەرۋ، وتكiزۋ، ساقتاۋ، تاسىمالداۋ نەمەسە الىپ ءجۇرۋ) بويىنشا سوتقا دەيىنگى تەرگەۋ امالدارى جۇرگىزىلۋدە. 

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار