بولجام بويىنشا, 24 قاراشادا باتىستا, 24-26 قاراشادا رەسپۋبليكانىڭ سولتۇستىك جانە شىعىس وبلىستارىندا, باتىستا قار جاۋى مۇمكىن. وڭتۇستىكتە جاۋىن-شاشىن (جاڭبىر, قار), 25 قاراشادا سولتۇستىكتە, 26 قاراشادا رەسپۋبليكانىڭ شىعىسىندا قالىڭ قار جاۋادى. رەسپۋبليكا بويىنشا جەلدىڭ كۇشەيۋى, تۇمان, سولتۇستىكتە, شىعىستا, ورتالىقتا بۇرقاسىن كۇتىلەدى.
«سولتۇستىك سۋىق انتيتسيكلوننىڭ سالەحارد وبلىستارىنان باسىپ كىرۋىمەن كەزەڭنىڭ سوڭىندا رەسپۋبليكانىڭ باسىم بولىگىندە جاۋىن-شاشىن توقتاپ, اۋا تەمپەراتۋراسى 20-29 ايازعا دەيىن كۇرت كوتەرىلەدى», دەلىنگەن قازگيدرومەت حابارلاماسىندا.
