قازىرگى مەملەكەت باسشىسى حاريزما مەن ءپوپۋليزمنىڭ ورنىنا باعدارلامالىق پلاتفورمالارمەن كۇرەسۋدى ۇسىنىپ, قارسىلاستارىن تاكتيكالىق تۇرعىدان جەڭدى. توقاەۆتىڭ سۋرەتى بار بىردە-ءبىر بيلبورد نەمەسە پاراقشانى كورمەدىك. ناقتى ۇراندار مەن تەزيستەر – «ادىلەت», «بىرلىك», «كۇشتى قازاقستان» دەگەنگە باسا نازار اۋدارىلىپ, كانديداتتىڭ ۇگىت ماتەريالدارىنداعى QR-كود سايلاۋالدى باعدارلاماسى ورنالاستىرىلعان ينتەرنەت پاراقشاعا قوسىلدى. ق.توقاەۆ ءوزىن-ءوزى كورسەتپەي-اق, تيىسىنشە ماۋسىم ايىندا وتكەن جالپىحالىقتىق رەفەرەندۋمدا رەفورمالار ءۇشىن داۋىس بەرگەن ءوز جاقتاستارىنىڭ سەنىمىنە كىردى.
كونستيتۋتسياعا تۇزەتۋلەر ەنگىزۋ بويىنشا جازعى پلەبيستسيتتەن كەيىن بۇل سايلاۋلاردى, شىن مانىندە, نەگىزگى سايلاۋ پروتسەسىنىڭ بىرىگۋى – كونسەنسۋس داۋىس بەرۋى رەتىندە سيپاتتاۋعا بولادى. 2029 جىلعى سايلاۋ كونستيتۋتسيا بويىنشا ق.توقاەۆسىز وتەدى.
بۇل سايلاۋ ساياسي سالانى ءىس جۇزىندە قايتا دايارلاۋعا نەگىز بولدى. اشىق ءارى ءادىل باسەكەلەستىك ءۇشىن جاڭا ەرەجەلەر جاسالىپ جاتىر. ق.توقاەۆتىڭ ءۇشىنشى مەرزىمگە قايتا سايلانۋىنىڭ مۇمكىن ەمەستىگىن ەسكەرە وتىرىپ, ونىمەن قارسىلاسۋ پرەزيدەنتتىككە بولاشاق كانديداتتار ءۇشىن تۇراقتى ساياسي كاپيتالعا اينالۋ مۇمكىندىگىن جوعالتادى. قالاساق تا, قالاماساق تا, جاڭا كانديداتتاردى سايلاۋ الدىنداعى ناۋقاندى نەعۇرلىم كونسترۋكتيۆتى جانە جاڭاشا يدەيالارمەن جۇرگىزىلۋى كەرەك. وسىلاي بولسا عانا ورىندىق كاسىبي ويىنشىلارمەن تولىعادى, وعان حالىق تا اسا قىزىعۋشىلىق تانىتىپ, ساياسي ناۋقانعا بەلسەنە ارالاسادى.
جاقسىلىق ءسابيتوۆ,
ساياساتتانۋشى, PhD دوكتورى
