ورتالىق سايلاۋ كوميسسياسىنىڭ دەرەگىنە سۇيەنسەك, ەلىمىز بويىنشا ساعات 16.00-گە دەيىن سايلاۋشىلاردىڭ 62,34 پايىزى داۋىس بەرىپ ۇلگەرگەن. ەڭ باستىسى, داۋىس بەرۋ زاڭ تالابىنا ساي ءوتتى.
وسى جولى اكىمشىلىك رەسۋرس دەگەن ۇعىمنىڭ ارتتا قالعانىن بايقادىق. ەرىكتى ماجبۇرلەۋ بولمادى, فوتوەسەپ سۇرالمادى. كەرىسىنشە, داۋىس بەرۋ كۇنى مەن بۇكىل ناۋقاننىڭ تازالىعىن كورسەتۋگە باسىمدىق بەرىلدى. كانديداتتاردىڭ سايلاۋالدى باعدارلامالارى دا ولاردىڭ تەرەڭ دايىندالىپ, جاعدايدى ساراپتاعانىن بايقاتادى.
كانديداتتار سايلاۋالدى باعدارلامالارىندا ەلدىڭ دامۋ جولىنىڭ بارلىق پاليتراسىن ۇسىندى. ونىڭ ىشىندە رەفورمالار, ءداستۇر, زيالى قاۋىم, ايەلدەر قۇقىعى ماسەلەلەرى كوتەرىلدى.
بيىل ەڭ باستىسى, تاڭداۋ بار. «بارىنە قارسىمىن» باعانى دەموكراتيالىق تاڭداۋدىڭ جوعارى ساتىسىنا كوتەرىلگەنىمىزدى بايقاتادى. داۋىس بەرۋ بارلىق حالىقارالىق ستاندارتقا سايكەس جاسالعان. ەرىكتىلىك پەن تاڭداۋدى سەزگەن ازاماتتار وزدەرى سايلاۋ ۋچاسكەسىنەن تابىلدى. سوعان قاراپ-اق بيىلعى داۋىس بەرۋ ۇلەسىنىڭ جوعارى بولاتىنىن بىردەن اڭعارعان ەدىك.
ايبار ولجاەۆ,
تاۋەلسىز ساراپشى
