سايلاۋ كۇنىندە ادامداردىڭ ءوز ەركىن بىلدىرۋىنە قاجەتتى بۇكىل اكىمشىلىك شارالار قابىلداندى. سايلاۋ تۋرالى زاڭعا سايكەس, ۇلتتىق جانە حالىقارالىق بايقاۋشىلاردىڭ سايلاۋدى بەيتاراپ باقىلاۋىنا جاعداي جاسالدى. ميسسيا ۇلتتىق جانە حالىقارالىق ۇيىمداردىڭ قاتىسقانىن جانە سايلاۋدىڭ لەگيتيمدىلىگىن, اشىقتىعىن قولدايتىنىن كوردى. سونداي-اق ميسسيا استاناداعى №111 سايلاۋ ۋچاسكەسىندە داۋىس ساناۋ پروتسەسىنە قاتىستى. بيۋللەتەندەردى ساناۋ, قورىتىندىسىن جاريالاۋ ۋاقتىلى, سايلاۋ تۋرالى ۇلتتىق زاڭناماعا سايكەس ءوتتى.
ميسسيا سايلاۋ ۋچاسكەلەرىنىڭ ىشىندە نەمەسە سىرتىندا ۇگىت-ناسيحات ماتەريالدارىن كورگەن جوق. سايلاۋ ۋچاسكەلەرىندە مۇگەدەكتىگى بار ادامدارعا جاعداي جاسالعانىن كوردىك. ميسسيا داۋىس بەرۋشىلەرگە سىرتتان اسەر ەتۋگە باعىتتالعان ەشقانداي تالپىنىستار كورگەن جوق. بۇكىل داۋىس بەرۋشىلەر سايلاۋ ۋچاسكەلەرىنە ەركىن كىرە الدى جانە رەسمي تۇلعالار تولىققاندى مالىمەت بەرىپ تۇردى. داۋىس بەرۋشىلەردىڭ قاتىسۋ كورسەتكىشى جوعارى بولدى.
سونداي-اق سايلاۋ پروتسەسىنەن ەل بويىنشا باق-تا اقپارات بەرىلۋى دە سايلاۋدىڭ لەگيتيمدىلىگى مەن اشىقتىعىنىڭ ماڭىزدى ەلەمەنتى بولىپ ەسەپتەلەدى. تۇركى مەملەكەتتەر ۇيىمى ميسسياسىنىڭ حالىقارالىق بايقاۋى قازاقستان پرەزيدەنتىنىڭ كەزەكتەن تىس سايلاۋى قازاقستان رەسپۋبليكاسىنىڭ ۇلتتىق زاڭناماسىنا سايكەس, حالىقارالىق ستاندارتتارعا ساي, اشىق جانە باسەكەلى بولعانىن راستايدى. ميسسيا ءوز باعالاۋى مەن ۇسىنىمدارىن حالىقارالىق ۇيىمدارمەن بولىسەدى.
ومەر كودجامان,
تۇركى مەملەكەتتەرى ۇيىمى باس حاتشىسىنىڭ ورىنباسارى
