دەنساۋلىق ساقتاۋ باسقارماسىنىڭ مالىمەتىنشە, ءسابي وبلىستىق پەريناتالدىق ورتالىعىندا دۇنيەگە كەلگەن. قازىر انا مەن بالانىڭ جاعدايى جاقسى. الىپ نارەستە – وتباسىنداعى ءتورتىنشى بالا.
ء«سابيدىڭ سالماعى ءىرى بولعان سوڭ, دارىگەرلەر اناسىنا كەسار تىلىگى ارقىلى وتا جاسادى. ول – بيىل وڭىردە دۇنيە ەسىگىن اشقان العاشقى الىپ بالا. ونىڭ سالماعى – 5700 گرامم, ال, بويى – 64 سم. مەديتسينادا نارەستەنىڭ سالماعى 4 كەلىدەن اسسا, ءىرى, ال, 5 كەلىدەن جوعارى بولسا, الىپ سانالادى», دەلىنگەن حابارلامادا.
سونداي-اق كەشە وڭىردە 34 ءسابي دۇنيە ەسىگىن اشقان. ونىڭ 19-ى ۇل, 15-ءى قىز. ولاردىڭ اراسىندا ءبىر ەگىز بار. انالار مەن سابيلەردىڭ دەنساۋلىعى قالىپتى, ءبارى دە دارىگەرلەردىڭ ءجىتى باقىلاۋىندا.
