وسك مۇشەسى كونستانتين پەتروۆ وبلىستاردىڭ, رەسپۋبليكالىق ماڭىزى بار قالالاردىڭ جانە ەلوردانىڭ كوميسسيالارى كەلتىرگەن دەرەكتەردى ۇسىندى. ساعات 22:05-تەگى جاعداي بويىنشا بارلىعى 8 ملن 299 مىڭ 501 ادام كونستيتۋتسيالىق قۇقىقتارىن پايدالانىپ, داۋىس بەرىپ ۇلگەردى. جالپى, قازاقستان بويىنشا بيۋللەتەنگە يە ازاماتتاردىڭ 69,43 پايىزى ءوز تاڭداۋىن جاسادى.
تومەندە وڭىرلەر بويىنشا داۋىس بەرۋشىلەر كورسەتكىشى كورسەتىلگەن:
- اباي وبلىسى بويىنشا – 80,18%
- اقمولا وبلىسى بويىنشا – 78,87%
- اقتوبە وبلىسى بويىنشا – 72,81%
- الماتى وبلىسى بويىنشا – 72,10%
- اتىراۋ وبلىسى بويىنشا – 70,87%
- باتىس قازاقستان وبلىسى بويىنشا – 98,97%
- جامبىل وبلىسى بويىنشا – 79,87%
- جەتىسۋ وبلىسى بويىنشا – 81,42%
- قاراعاندى وبلىسى بويىنشا – 78,39%
- قوستاناي وبلىسى بويىنشا – 79,28%
- قىزىلوردا وبلىسى بويىنشا – 81,07%
- ماڭعىستاۋ وبلىسى بويىنشا – 66,99%
- پاۆلودار وبلىسى بويىنشا – 77,58%
- سولتۇستىك قازاقستان وبلىسى بويىنشا – 79,01%
- تۇركىستان وبلىسى بويىنشا – 80,37%
- ۇلىتاۋ وبلىسى بويىنشا – 78,48%
- شىعىس قازاقستان وبلىسى بويىنشا – 79,49%
- استانا قالاسى بويىنشا – 48,60%
- الماتى قالاسى بويىنشا – 28,72%
- شىمكەنت قالاسى بويىنشا – 59,79%
جاڭارتىلعان دەرەكتەرگە قاراعاندا, باتىس قازاقستان وبلىسىنىڭ سايلاۋشىلارى جوعارى بەلسەندىلىك تانىتتى.
رەسپۋبليكا اۋماعىنداعى ساعات بەلدەۋلەرىنىڭ شەكارالارىنا سايكەس بەس وڭىردە, اتاپ ايتقاندا اقتوبە, اتىراۋ, باتىس قازاقستان, قىزىلوردا جانە ماڭعىستاۋ وبلىستارىندا داۋىس بەرۋ ەلوردا ۋاقىتى بويىنشا ساعات 21:00-دە اياقتالدى.
وسك مۇشەسى حابارلاعانداي, سايلاۋدىڭ كورىتىندى دەرەكتەرى ەرتەڭ جاريالانادى.
ەسكە سالا كەتسەك, بۇگىن قازاقستاندا كەزەكتەن تىس پرەزيدەنت سايلاۋى ءوتتى.
شەت مەملەكەتتەردە سايلاۋ ۋچاسكەلەرى ءالى دە اشىق.
قازاقستانداعى سايلاۋ ۋچاسكەلەرى 07:00-دە اشىلىپ, جۇمىسىن 20:00-دە اياقتادى.
