«بەيجىڭدەگى №257 ۋچاسكە جۇمىسىن اياقتادى. كۇنى بويىنا سايلاۋشىلاردىڭ بەلسەندى قاتىسۋى بايقالدى. وسى كۇندەرى بەيجىڭنىڭ چاويان اۋدانىندا ەنگىزىلگەن كوۆيد شەكتەۋلەرىنە قاراماستان, سايلاۋعا سايلاۋشىلاردىڭ قاتىسۋى جوعارى بولدى», دەدى قازاقستاننىڭ قىتايداعى وكىلى نۇرلان اققوشقاروۆ.
سونداي-اق شانحاي جانە گونكونگتاعى قازاقستان رەسپۋبليكاسىنىڭ قحر-داعى باس كونسۋلدىقتارىنداعى سايلاۋ ۋچاسكەلەرىندە داۋىس بەرۋ اياقتالدى. قازىرگى ۋاقىتتا داۋىستار ەسەپتەلۋدە.
بۇگىن ەلىمىزدە ساعات 07:00-دەن باستاپ ەل پرەزيدەنتىنە داۋىس بەرۋ باستالدى. استانا ۋاقىتى بويىنشا ساعات 05:00-دە (جەرگىلىكتى ۋاقىت بويىنشا 07:00) بەيجىڭدەگى قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشىلىگىندە جانە شانحاي مەن گونكونگتاعى قازاقستان رەسپۋبليكاسىنىڭ باس كونسۋلدىقتارىندا قۇرىلعان سايلاۋ ۋچاسكەلەرى جۇمىس ىستەي باستادى. قازاقستاندىق ستۋدەنتتەر بەيجىڭ مەن شانحايدا وتكەن پرەزيدەنتتىك سايلاۋدا داۋىس بەردى.
