ء«بىز ءوز سايلاۋ ۋچاسكەمىزدە بالالار بۇرىشىن ۇيىمداستىردىق. سەبەبى اتا-انالار داۋىس بەرىپ جاتقاندا, بالالار ويىنشىقتارمەن ويناپ, باقىلاۋدا بولادى. وسىلايشا, بالالار اتا-انالاردىڭ داۋىس بەرۋىنە كەدەرگى جاسامايدى. سايلاۋدا بالالار اتا-انالاردىڭ مازاسىن العان كەزدەر بولدى. وسى سەبەپتى بىزگە بالالارعا ارنالعان جەكە ويىن الاڭىن قۇرۋ يدەياسى كەلدى», دەدى سايلاۋ ۋچاسكەسىنىڭ توراعاسى ورازباي جۇماعاليەۆ.
ويىن ايماعىنىڭ ىڭعايلىلىعىن سايلاۋشىلاردىڭ وزدەرى دە اتاپ ءوتتى.
«بۇگىن بالاممەن بىرگە داۋىس بەرۋگە كەلدىم. شىنىمەن دە بالالارىمەن بىرگە كەلگەن سايلاۋشىلار ءۇشىن وتە قولايلى جاعدايلار جاسالعان. مۇندا ولار ءۇشىن جەكە ويىن ورنى ۇيىمداستىرىلعان», دەدى سايلاۋشىلاردىڭ ءبىرى قۇندىز مۇستافينا.
