«بۇگىنگى سايلاۋدان كەيىن ەلىمىزدىڭ جاعدايى ودان ءارى جاقسارادى جانە ىسكە اسىرىلعان كوپتەگەن باعدارلامالار ءساتتى اياقتالادى دەپ سەنەمىن. سونىمەن قاتار «قازاق زاعيپتار قوعامى» قاۋىمداستىعىنىڭ قالا باسشىلىعى مەن ينۆاتاكسي قىزمەتىنىڭ قولداۋىنىڭ ارقاسىندا قالا شەتىنەن كەلۋگە جانە سايلاۋعا قاتىسۋعا مۇمكىندىك جاساعانىنا ريزاشىلىعىمدى بىلدىرەمىن. بۇل قىزمەتتى قالادا مۇگەدەكتىگى بار 29 000-نان استام ادام الادى. مۇنىڭ ءبارىن قالا باسشىلىعىنىڭ, جۇمىسپەن قامتۋ جانە الەۋمەتتىك قورعاۋ باسقارماسى ۇيىمداستىردى. ءبىز سياقتى جانداردىڭ قوعامنىڭ بارلىق مۇشەسىمەن بىردەي نەگىزدە قالاعان جەرىنە بارۋىنا مۇمكىندىگى بار ەكەنىنە قۋانامىن», دەيدى مۇرات ءابدىمومىنوۆ.
ەلوردادا ازاماتتارعا ىڭعايلى بولۋ ءۇشىن بارلىق سايلاۋ ۋچاسكەلەرىندە تاكتيلدى باعدارلاۋشىلار, شاقىرۋ تۇيمەسى, بىرقاتار سايلاۋ ۋچاسكەسىندە ليفت ورناتىلدى. 2 074 جەكە كومەكشى, 233 ىمداۋ ءتىلى مامانى جانە 22 ينۆاتاكسي جۇمىلدىرىلدى.
ەستەرىڭىزگە سالا كەتەيىك, بۇگىن قازاقستاندا ەل كەزەكتەن تىس پرەزيدەنت سايلاۋى ءوتىپ جاتىر. العاشقى سايلاۋ ۋچاسكەلەرى تاڭعى 06:00-دە اشىلدى.
