تۇركىستاندىقتار سايلاۋدا جوعارى بەلسەندىلىك تانىتتى

وسك مۇشەسى شاۆحات وتەمىسوۆتىڭ ايتۋىنشا, ساعات 18:05-تەگى جاعداي بويىنشا قازاقستاندا بارلىعى 8 ملن 108 مىڭ 668 ادام داۋىس بەرىپ ۇلگەرگەن. ايتا كەتسەك, بۇل تىزىمدەگى بارلىق ازاماتتاردىڭ 67,85 پايىزىن قۇرايدى.

وڭىرلەر بولىنىسىندە داۋىس بەرۋشىلەر كورسەتكىشى:

1. اباي وبلىسى بويىنشا – 78,88 %
2. اقمولا وبلىسى بويىنشا – 75,82%
3. اقتوبە وبلىسى بويىنشا – 71,23%
4. الماتى وبلىسى بويىنشا – 70,92%
5. اتىراۋ وبلىسى بويىنشا –  67,88%
6. باتىس قازاقستان وبلىسى بويىنشا – 64,77%
7. جامبىل وبلىسى بويىنشا – 77,27%
8. جەتىسۋ وبلىسى بويىنشا – 77,08%
9. قاراعاندى وبلىسى بويىنشا – 77,80%
10. قوستاناي وبلىسى بويىنشا –  77,56%
11. قىزىلوردا وبلىسى بويىنشا – 77,20%
12. ماڭعىستاۋ وبلىسى بويىنشا – 64,57%
13. پاۆلودار وبلىسى بويىنشا –  77,12%
14. سولتۇستىك قازاقستان وبلىسى بويىنشا – 77,46%
15. تۇركىستان وبلىسى بويىنشا – 80,25%
16. ۇلىتاۋ وبلىسى بويىنشا – 74,45%
17. شىعىس قازاقستان وبلىسى بويىنشا – 76,81%
18. استانا قالاسى بويىنشا – 48,01%
19. الماتى قالاسى بويىنشا – 27,93%
20. شىمكەنت قالاسى بويىنشا – 59,56% 

جوعارىدا كورسەتىلگەن دەرەكتەرگە قاراعاندا, تۇركىستان وبلىسىنىڭ تۇرعىندارى جوعارى بەلسەندىلىك تانىتىپ وتىر. ال الماتى قالاسىنىڭ تۇرعىندارى ەڭ از داۋىس بەردى.

سونداي-اق نيۋ-يورك پەن ۆاشينگتوندا سايلاۋ ۋچاسكەلەرى جۇمىسىن باستاپ كەتتى.

قازاقستاندا سايلاۋ ۋچاسكەلەرى 07:00-دەن اشىلىپ, 20:00-گە دەيىن جۇمىس ىستەيدى. كەيبىر ۋچاسكەلەر 06:00-دە ەسىكتەرىن ايقارا اشتى.

ايتا كەتسەك, ورتالىق سايلاۋ كوميسسياسى سايلاۋشىلاردىڭ بەلسەندىلىگى جونىندەگى سوڭعى اقپاراتتى استانا ۋاقىتى بويىنشا 20:05-تە جاريالايدى.