ماسەلەن, بۇگىن ۇيعىر اۋدانىندا 38 سايلاۋ ۋچاسكەسى جۇمىس ىستەپ تۇر. اۋدانداعى سايلاۋ قۇقىعىنا يە تۇرعىندار سانى 70 مىڭنىڭ ۇستىندە ەكەن. قازىرگە دەيىن سايلاۋشىلارداردىڭ جارتىسىنا جۋىعى ءوز تاڭداۋلارىن جاساپ ۇلگەرگەن. ال وبلىس ورتالىعى قوناەۆ قالاسىنداعى سايلاۋ ۋچاسكەلەرىنە تىركەلگەن تۇرعىنداردىڭ 10-15 پايىزى داۋىس بەردى.
جالپى بۇل سايلاۋ كۇنى تەك داۋىس بەرۋ ساتىمەن عانا ەمەس, ءتۇرلى قىزىقتى ءىس-شارالارمەن دە ەستە قالاتىن سياقتى. مىسالى, قوناەۆ قالاسىنداعى «تۇلپار» رەتروكولىكتەر سالونىنىڭ يەسى, بەلگىلى كاسىپكەر مۇرات سىرگەباەۆتىڭ ۇيىمداستىرۋىمەن اۆتوشەرۋ ءوتتى.
«شاھار ماڭىندا ورنالاسقان «تۇلپار» رەترو سالونىنىڭ كولىكتەرىن ەل پرەزيدەنتىنىڭ كەزەكتەن تىس سايلاۋىنا وراي اۆتوشەرۋگە الىپ شىقتىم. بارلىعى 10 كولىك شەرۋگە قاتىسىپ جاتىر. بۇل كولىكتەر قالاداعى بارلىق سايلاۋ ۋچاسكەسىن ارالاپ شىقتى», دەيدى مۇرات سىرگەباەۆ.
ايتپاقشى, كەگەن اۋدانىندا ءبىر عاسىردان استام ءومىر سۇرگەن اجەي كۇلپارا جۋاشقىز سايلاۋ ۋچاسكەسىنە كەلىپ, داۋىس بەردى. اجەيدىڭ نەمەرەسى تاقاباەۆ ولجاستىڭ ءوزى ەلۋدى القىمداعان ەل اعاسى. تاقاباەۆتار اۋلەتى ۇستازدار ديناستياسى. ال اجەي مەكتەپتە تالاي جىل ديرەكتور بولىپ قىزمەت اتقارعان.
جالپى كەگەن اۋدانى بويىنشا 34 سايلاۋ ۋچاسكەسى اشىلعان. اۋدان بويىنشا 18608 سايلاۋشى بار.
