باتىس قازاقستان وبلىستىق سايلاۋ كوميسسياسىنىڭ توراعاسى عايسا قاپاقوۆ 20 قاراشا كۇنى تاڭعى 7-دەن تۇسكى 12 ساعاتقا دەيىن بارلىق باعىتتاعى اۆتوبۋستار جانە ارنايى دايىندالعان «ينۆوتاكسي» قىزمەتىنىڭ 35 كولىگى جولاۋشىلاردى بارار جەرىنە تەگىن جەتكىزەىپ جاتقانىن ايتادى.
سونداي-اق ورال قالاسىندا ىقسانوۆ جانە جاڭگىر حان كوشەلەرىندە اۋىل شارۋاشىلىعى ونىمدەرىنىڭ كورمەسى ۇيىمداستىرىلعان.
ءوڭىر باسشىسى عالي ەسقاليەۆ №450 سايلاۋ ۋچاسكەسىندە العاشقىلاردىڭ ءبىرى بولىپ داۋىس بەردى.
«بۇگىن ءبىزدىڭ وتباسىنىڭ ءۇش بۋىنى ەل بولاشاعى ءۇشىن داۋىس بەرىپ, ءوز تاڭداۋىن جاسادى. ەل ءۇشىن تاڭداۋ جاساۋ قاشان دا ماڭىزدى. سوندىقتان بارلىق جەرلەستەرىمدى ساياسي مادەنيەتىن كورسەتىپ, داۋىس بەرۋگە شاقىرامىن», دەدى وبلىس اكىمى.
جالپى باتىس قازاقستان وبلىسىندا 447 مىڭنان اسا سايلاۋشى تىركەلگەن. ورال قالاسىنىڭ وزىندە 123 سايلاۋ ۋچاسكەسى بار. بارلىق سايلاۋ ۋچاسكەسى جۇمىسىن ءوز ۋاقىتىندا باستادى, داۋىس بەرۋ قالىپتى جۇرۋدە.
وبلىستىق كوپبەيىندى پەريناتالدىق ورتالىعى سايلاۋ كۇنى ەگىز ءسابي دۇنيەگە كەلگەنىن حابارلادى. وسىنداي ايتۋلى كۇنى شاڭىراعىنا قۋانىش الا كەلگەن نارەستەلەردىڭ اتا-اناسى ەرەكشە قۋانىشتى. قازىرگى تاڭدا پەريناتالدىق ورتالىق ۇجىمىنىڭ دارىگەرلەرى نارەستەلەر مەن اناسىنىڭ دەنساۋلىعىن باقىلاۋدا.
