«بۇگىن مەن كونستيتۋتسيالىق قۇقىعىمدى پايدالانىپ, ازاماتتىق بورىشىمدى ورىندادىم. تۇڭعىش رەت ءبىز پرەزيدەنتتى جەتى جىلدىق مەرزىمگە سايلاپ وتىرمىز. سوندىقتان الداعى جەتى جىلدا بولاتىن ەلىمىزدىڭ ماڭىزدى باعىتتارى بۇگىن ايقىندالادى», دەدى اكىم جۋرناليستەرگە.
ونىڭ پىكىرىنشە, الماتى وبلىسىنىڭ تۇرعىندارى بەلسەندى تۇردە داۋىس بەرۋدە.
«بۇگىن تاڭەرتەڭ الماتى وبلىسىنىڭ تۇرعىندارىنىڭ بەلسەندى تۇردە داۋىس بەرىپ جاتقانىن سايلاۋ ۋچاسكەلەرىنەن بايقاۋعا بولادى دەپ ويلايمىن», دەدى ايماق باسشىسى.
الماتى وبلىسىندا بارلىعى 606 سايلاۋ ۋچاسكەسى جۇمىس ىستەپ تۇر. ولار جەرگىلىكتى ۋاقىت بويىنشا ساعات 07:00-دەن 20:00-گە دەيىن جۇمىس ىستەيدى.
