ەكىباستۇزداعى № 573 سايلاۋ ۋچاسكەسىندە قازاقستاننىڭ ەڭبەك ەرى, شاھاردىڭ قۇرمەتتى ازاماتى رىشات امرەنوۆ ەلدىڭ الدى بولىپ كەلىپ, داۋىس بەردى.
- بۇگىن وتباسىمىزبەن ەرتە وياندىق. كوڭىل-كۇيىمىز تاماشا! سايلاۋ ۋچاسكەسىندەگى حالىقتىڭ اشىق-جارقىن ءجۇزىن, مۇنداعى كوڭىلدىڭ حوشىن اشاتىن اۋاندى كورىپ, قۋانىپ وتىرمىن. كەلىپ جاتقان جۇرتتا ەسەپ جوق, اسىرەسە, جاستاردىڭ بەلسەندىلىگىن بايقادىم. بارلىعى ەلىمىزدىڭ بولاشاعى, حالقىمىزدىڭ جارقىن ءومىرى ءۇشىن تاڭداۋ جاساپ جاتقانى ءسوزسىز. قازىرگى كۇنى زەينەتكە شىقسام دا, ەلدىڭ ساياسي ءومىرى مەنى الاڭداتادى. ءتۇرلى حالىقارالىق جاعدايلار, ەلدەر اراسىندا بولىپ جاتقان جانجالدار قازاقستانداعى بەيبىت تىرشىلىكتى ءارى قاراي نىقتاي ءتۇسۋ قاجەتتىگىن اڭعارتادى. سانالى ازامات رەتىندە سايلاۋدا ءوز تاڭداۋىمدى جاساپ, جاڭا قازاقستاندى قۇرۋعا اتسالىسىپ جاتقانىمدى ماقتانىش تۇتامىن, - دەپ اتاپ ءوتتى ەڭبەك ەرى.
رىشات امرەنوۆ - داڭقتى شاحتەر, ۇزاق جىلدار «شىعىس» كومىر كەنىشىندە ەڭبەك ەتتى. زايىبىمەن بىرگە وتباسىندا 6 بالا تاربيەلەپ وسىرگەن. بۇگىندە 4 بالاسى مەن 2 كۇيەۋ بالاسى اۋلەت يەسىنىڭ جولىن جالعاستىرىپ, كەنىشتە ابىرويمەن قىزمەت ەتۋدە.
