– بۇگىن انام ەكەۋىمىز الا تاڭنان سايلاۋ ۋچاسكەسىنە كەلىپ, داۋىس بەردىك. ەلىمنىڭ بولاشاعى ءۇشىن تاڭداۋ جاسادىم. كىشكەنە شاعىمىزدا اكە-شەشەمىز داۋىس بەرۋگە بارا جاتقانىن كورىپ, ءبىز قاشان سايلاۋعا قاتىسادى ەكەنبىز دەپ ويلايتىنبىز. العاشقى سايلاۋىم بولعان سوڭ بويىمدا ازداپ قوبالجۋ بار. ءبىزدىڭ توبىمىزدا 18 ستۋدەنت وقيدى. كامەلەت جاسىنا تولعان قۇربى-قۇرداستارىمنىڭ داۋىس بەرۋگە دەگەن ىنتالارى زور. جاڭا قازاقستاننىڭ پرەزيدەنتى ادىلەتتى, حالقىنىڭ قامىن جەيتىن ازامات بولۋى كەرەك دەپ ويلايمىن, - دەيدى ول.
ءوز قۇرداستارىنىڭ الدى بولىپ كەلىپ, تاڭداۋىن جاساعان ساراعا سايلاۋ كوميسسياسىنىڭ مۇشەلەرى ەستەلىك سىيلىق تابىستادى.
№ 125 ۋچاسكەلىك سايلاۋ كوميسسياسىنىڭ توراعاسى قورلان وماروۆا اتاپ وتكەندەي, سايلاۋ ۋچاسكەسىندە 2191 ادام داۋىس بەرەدى. سونىڭ ىشىندە 18 جاسقا تولعان 10 ازامات تىركەلگەن. مۇمكىندىگى شەكتەۋلى ادامدارعا ۇيدەن داۋىس بەرۋگە جاعداي جاسالعان. كۇندىزگى ساعات 12.00-دەن كەيىن ۋچاسكەنىڭ ەكى مۇشەسى الدىن الا بەرىلگەن وتىنىشتەر نەگىزىندە ۇيدەن داۋىس بەرەتىندەرگە شىعادى.
