حالىقارالىق دزيۋدو فەدەراتسياسىنىڭ ەرەجەسى بويىنشا, دزيۋدوشىلار التى سالماق دارەجەسىندە بەلدەستى (ايەلدەر: -57 كەلى, -70 كەلى, +70 كەلى, ەرلەر -73 كەلى, -90 كەلى جانە +90 كەلى). ارالاس كوماندالىق چەمپيوناتقا بارلىعى 18 كوماندا قاتىستى.
ناتيجەسىندە فينالدا ماڭعىستاۋ وبلىسىنان 4:3 ەسەبىمەن باسىم تۇسكەن جەتىسۋ وبلىسىنىڭ كومانداسى چەمپيون اتاندى. قولا جۇلدەنى اتىراۋ جانە الماتى وبلىستارىنىڭ تاتامي شەبەرلەرى جەڭىپ الدى.
2022 جىلعى قازاقستان چەمپيوناتىنىڭ جەكەلەي سىنىنا استانا, الماتى, شىمكەنت قالالارى مەن 17 وبلىستان 500-گە جۋىق سپورتشى قاتىستى. اقتوبە وبلىسىنىڭ تاتامي شەبەرلەرى جەكەلەي سىندا 3 التىن, 1 قولا مەدال جەڭىپ الىپ, مەدالدار كەستەسىندە كوش باستادى. اتىراۋ وبلىسىنىڭ دزيۋدوشىلارى 2 التىن, 2 كۇمىس, 3 قولا مەدالمەن ەكىنشى ورىن السا, الماتى قالاسىنىڭ كومانداسى 2 التىن, 1 كۇمىس, 2 قولا مەدالمەن ۇزدىك ۇشتىكتى تۇيىندەدى.
جارىس قورىتىندىسى بويىنشا جەڭىمپاز جانە جۇلدەگەر اتانعان سپورتشىلار ۇلتتىق قۇراما ساپىنا الىنىپ, جاڭا ماۋسىم قۇرامى جاساقتالادى.
