جارمەڭكە جۇمىسىنا 55 جۇمىس بەرۋشى قاتىسىپ, 1400-دەن استام بوس جۇمىس ورنىن ۇسىندى. ەلوردالىق ۇيىمدار اراسىندا قۇرىلىسشىلارعا, ينجەنەرلەرگە سۇرانىس جوعارى. مۇعالىمدەر دە سۇرانىسقا يە.
«مۇنداي جارمەڭكە بيىل توعىزىنشى رەت ءوتتى. قازىرگى ۋاقىتتا قۇرىلىس, دەنساۋلىق ساقتاۋ, ءوندىرىس, تاماق ءوندىرىسى سالاسىنداعى كادرلارعا قاجەتتىلىك بار. سوندىقتان ءبىز بوس جۇمىس ورىندارى بار جۇمىس بەرۋشىلەردى شاقىردىق. جىل سوڭىنا دەيىن جاستار ءۇشىن تاعى ءبىر جارمەڭكە وتكىزۋدى جوسپارلاپ وتىرمىز», دەدى استانا قالاسىنىڭ حالىقتى جۇمىسپەن قامتۋ ورتالىعىنىڭ ءبولىم باسشىسى باقىت راقىشەۆا.
ءوتىنىش بەرۋشىلەردىڭ پىكىرىنشە, مۇنداي ءىس-شارالاردىڭ باستى قۇندىلىعى - ءبىر كۇندە بىرنەشە جۇمىس بەرۋشىمەن ءبىر نىساننىڭ ىشىندە سۇحباتتاسۋ مۇمكىندىگى.
«ەگەر جاقسى جۇمىس ىزدەسەڭىز, ىزدەۋ ءادىسىنىڭ بارلىق ءتۇرىن قولدانۋىڭىز كەرەك, ويتكەنى كەيبىر كومپانيالار بوس جۇمىس ورنىن ينتەرنەتكە جاريالامايدى. سونىمەن قاتار قويىلاتىن تالاپتاردى وقىعاندا, تۇسىنبەگەن جەرلەرى بولۋى مۇمكىن. ال مۇنداي جارمەڭكەلەردە بارلىق مالىمەتتى بىردەن ناقتىلاۋعا بولادى», دەپ اتاپ ءوتتى ىزدەنۋشى گۇلجان ابدىرازاقوۆا.
جۇمىس بەرۋشىلەردى استانا قالاسىنىڭ حالىقتى جۇمىسپەن قامتۋ ورتالىعى وتكىزەتىن باعدارلامالار قىزىقتىرادى. ولار: NEET ساناتىنداعى ازاماتتاردى, حالىقتىڭ الەۋمەتتىك وسال توپتارىنىڭ وكىلدەرىن جانە زەينەتكەرلىك جاسقا دەيىنگى ادامداردى جۇمىسقا ورنالاستىرۋعا باعىتتالعان جوبالار. وسى جوبالار اياسىندا مەملەكەت جوعارىدا اتالعان ساناتتاعى قىزمەتكەرلەر ءۇشىن جالاقىنىڭ 35%-دان 50%-عا دەيىن تولەيدى.
«قالاداعى بوس جۇمىس ورىندارىنا ارنالعان جارمەڭكەلەرگە ۇنەمى قاتىسامىز. ءبىزدىڭ كومپانيا قۇرىلىسپەن اينالىسادى, تيىسىنشە ماماندارعا ۇنەمى مۇقتاجبىز. سوندىقتان ءبىز جۇمىس تاجىريبەسى جوق تۇلەكتەردى قابىلداۋعا جانە ولاردى ءوز بەتىنشە وقىتۋعا دايىنبىز. مەملەكەت بىزگە قىزمەتكەردىڭ تاعىلىمداماسى كەزىندە جالاقىنىڭ ءبىر بولىگىن تولەۋ ارقىلى كومەكتەسەدى», دەدى ء«ۇمىت» كومپانياسىنىڭ كادرلار ءبولىمىنىڭ باسشىسى ناتاليا كاگيرمانوۆا.
بۇل جارمەڭكەدە جۇمىس بەرۋشىلەر ۇسىناتىن ورتاشا جالاقى 150-دەن 400 مىڭ تەڭگەگە دەيىن بولدى.
ايتا كەتەيىك, جىل سوڭىنا دەيىن استانادا 28 مىڭ جاڭا جۇمىس ورنى اشىلادى. بوس ورىندار جارمەڭكەسىنىڭ ماقساتى - ازاماتتاردى جۇمىسقا ورنالاستىرۋ. بۇگىنگى جالپىقالالىق جارمەڭكەگە 400-دەن استام جۇمىس ىزدەۋشى قاتىستى.
