تاشكەنتتەگى ايگىلى «پاحتاكور» ستاديونىندا وتكەن جولداستىق كەزدەسۋدە الاڭ يەلەرى 2:0 ەسەبىمەن جەڭىسكە جەتتى. كەزدەسۋدىڭ ەسەبىن 12-مينۋتتا رەسەيدىڭ «تورپەدو» كلۋبىندا ونەر كورسەتەتىن حودجيمات ەركىنوۆ اشسا, ءبىرىنشى تايمنىڭ سوڭعى مينۋتىندا يتاليالىق «روما» مەن وزبەكستان قۇراماسىنىڭ شابۋىلشىسى ەلدور شومۋرودوۆ ەسەپتى ەسەلەدى. بۇل جەردە شومۋرودوۆ شەبەرلىگىن ەرەكشە اتاپ وتكەن ءجون.
ەكىنشى تايمدى قازاقستان قۇراماسى بەلسەندى باستاعانىمەن, كەزدەسۋ سوڭىنا دەيىن ەسەپتى وزگەرتە المادى. باس باپكەر ماگومەد اديەۆ الاڭعا بىرنەشە ويىنشىنى شىعارعانىمەن, ولار دا وزبەكستان قۇراماسىنىڭ قاقپاسىنا گول سوعا المادى. ءبىر ايتا كەتەرلىگى, كەشەگى ماتچتا ەكى جىلدىق ۇزىلىستەن كەيىن ۇلتتىق قۇراماعا ورالعان باۋىرجان يسلامحان العاش رەت جاسىل الاڭعا شىقتى.
قازاقستان ۇلتتىق قۇراماسى كەلەسى ويىنىن ەرتەڭ, ياعني 19 قاراشا كۇنى ابۋ-دابي قالاسىندا بىرىككەن اراب امىرلىگى قۇراماسىمەن وتكىزەدى.
