«ەگەمەن قازاقستان», «كازاحستانسكايا پراۆدا», «قازاق ادەبيەتى», «الماتى اقشامى», «ۆەچەرنيايا الماتى», «زاڭ گازەتى», «يۋريديچەسكايا گازەتا», ء«مولدىر بۇلاق», «بالالار الەمى», تاعى دا باسقا گازەت-جۋرنال رەداكتسيالارىنىڭ وكىلدەرى وقىرماندارمەن كەزدەسىپ, جازىلىم بارىسىنا قاتىستى سۇراقتارعا جاۋاپ بەردى.
«الماتى پوچتامتى» الماتى فيليالى ديرەكتورىنىڭ ورىنباسارى تەمىرحان مۇساەۆ وتاندىق پوشتا قىزمەتىنىڭ بارىسىنا توقتالىپ, الداعى جوسپار تۋرالى اقپارات بەردى.
«تسيفرلىق تەحنولوگيالار قارىشتاپ دامىعان كەزەڭدە وقىرمانعا گازەت-جۋرنالداردى دەر كەزىندە جەتكىزىپ وتىرۋ ماڭىزدى. قالا تۇرعىندارى اقپاراتتى ينتەرنەتتەن جىلدام الۋ مۇمكىندىگىنە يە, ال شالعاي اۋىلدارعا باسىلىمداردى ۋاقتىلى جەتكىزىپ وتىرۋ ۇلكەن جاۋاپكەرشىلىك جۇكتەيدى. ويتكەنى وقىرمان ءوزى تاڭداپ جازىلعان باسىلىمنان قاجەتىن ىزدەيدى, تانىمدىق دۇنيەلەردى دەر كەزىندە وقىعىسى كەلەدى. سوندىقتان وقىرمان قاجەتىنەن شىعۋ ءۇشىن رەداكتسيا مەن «قازپوشتا» فيليالدارى اراسىندا مازمۇندى, ماقساتتى جوسپارلاردى جۇزەگە اسىرۋ قاجەت», دەدى ت.مۇساەۆ.
پاندەمياعا بايلانىستى ءدال بۇگىنگىدەي كەزدەسۋ وتكىزۋدىڭ مۇمكىندىگى بولمادى. ەندىگى كەزەكتە پوشتا باسشىلىعى تاراپىنان جىلىنا ەكى مارتە وتەتىن جازىلۋ ناۋقانىنا بايلانىستى وقىرماندارمەن كەزدەسۋلەرگە قاتىستى شارالار فورماتىن كەڭەيتۋ جوسپارلانىپ وتىر. ەلىمىزدىڭ بارلىق اۋماعىنا پوشتالىق, لوگيستيكالىق قىزمەت ءتۇرىن ۇسىنىپ وتىرعان ۇلتتىق وپەراتور رەتىندە «قازپوشتا» وڭىرلەر ماسەلەسىنە دە كوڭىل ءبولىپ, گازەت-جۋرنالداردىڭ قولجەتىمدىلىگىن جەدەلدەتۋدى, لوگيستيكالىق ساياساتقا قاتىستى جۇمىستاردى جاقسارتا تۇسپەك.
بۇگىندە ءداستۇرلى باسىلىمداردىڭ بولاشاعىنا قاتىستى پىكىرلەر ەكىگە جارىلادى. كاسىبي مامانداردىڭ دەرەگىنشە, زاماناۋي مەرزىمدى باسىلىمدار جاڭعىرۋ كەزەڭىندە تۇر. ال تسيفرلىق تەحنولوگيالاردىڭ ماسس-مەديا نارىعىنا دەندەپ ەنۋى ءداستۇرلى باسىلىمدارعا تىڭ سەرپىلىس بەرەدى.
رەداكتسيا وكىلدەرى مەن وقىرمان اراسىندا وسى مازمۇندا وربىگەن سۇحبات الاڭى ءارى قاراي كونتسەرتتىك باعدارلاماعا ۇلاستى.
الماتى
