سپورت • 17 قاراشا، 2022

اعايىندى جاس سپورتشىلار دجيۋ-دجيتسۋدان الەم چەمپيوناتىندا جەڭىسكە جەتتى

40 رەت كورسەتىلدى

بىرىككەن اراب امىرلىكتەرىنىڭ ابۋ-دابي قالاسىندا وتكەن دجيۋ-دجيتسۋدان الەم بىرىنشىلىگىندە 8 جاسار ارسلان بەرىك پەن 6 جاسار ارسەن بەرىك چەمپيون اتاندى. جاس سپورتشىلار الەمنىڭ جۇزدەگەن ەلىنەن كەلگەن ۇمىتكەرلەر اراسىندا توپ جارىپ، تولاعاي تابىسقا قول جەتكىزدى، دەپ جازادى Egemen.kz.

ارسلان مەن ارسەننىڭ سپورتقا دەگەن قۇلشىنىسى مەكتەپ تابالدىرىعىن اتتاماي تۇرىپ باستالعان.

«ارسلان دا، ارسەن دە 4 جاسىنان سپورتقا قادام باستى. ارسلان ۇلكەن ۇلىم، ارسەن – ءىنىمنىڭ بالاسى. ەكەۋى دە سپورت دەسە ىشكەن اسىن جەرگە قويادى»، دەيدى ارسلاننىڭ اكەسى الماس وتەباەۆ.

برازيليالىق دجيۋ-دجيتسۋدان وتكەن الەم چەمپيوناتىدا ارسلان بەرىك 24 كەلىدە جەڭىمپاز اتاندى. ول فينالدا پاكىستاندىق قارسىلاسىنان ايلاسىن اسىرعان. ال ارسەن بەرىك 20 كەلىدە سىنعا ءتۇسىپ، اقتىق سىندا كۋۆەيتتىك سپورتشىدان باسىم ءتۇستى.

ايتا كەتەلىك، ابۋ-دابيدەگى ءدۇبىرلى سىنعا الەمنىڭ 120 مەملەكەتىنەن 5 مىڭعا جۋىق سپورتشىلار قاتىستى. جاس سپورتشىلاردىڭ سالماعىندا اقش، كانادا، فرانتسيا، يرلانديا، ۇلىبريتانيا، كۋۆەيت، ساۋد ارابياسى ەلدەرىنىڭ وكىلدەرى باق سىنادى.

بۇل اعايىندى سپورتشىلاردىڭ ۇلكەن سپورتتاعى العاشقى جەتىستىگى.  ارسلان دجيۋ-دجيتسۋدان بولەك، دزيۋدو، ءجۇزۋ جانە باسكەتبولمەن اينالىسادى.

«بولاشاقتا دجيۋ-دجيتسۋدىڭ ءبىر تارماعى وليمپيادا باعدارلاماسىنا ەنۋى مۇمكىن. سوندىقتان، وسى سپورت تۇرىمەن قارقىندى تۇردە شۇعىلدانىپ، الداعى ۋاقىتتا ەلىمنىڭ نامىسىن ابىرويمەن قورعاعىم كەلەدى. فۋتبولدا كريشتيانۋ رونالدۋ، باسكەتبولدا مايكل دجوردان، بوكستا گەننادي گولوۆكين، برازيليالىق دجيۋ-دجيتسۋدا گالبانيدى ۇلگى تۇتامىن»، دەيدى ارسلان.

بۇگىندە جاس سپورتشىلار الداعى ءىرى جارىستارىنا دايىندالىپ جاتىر.

 

سوڭعى جاڭالىقتار

تالقى

ادەبيەت • بۇگىن، 23:23

شامعون تاسادا قالار تۇلعا ەمەس

ادەبيەت • بۇگىن، 23:17

قار ۇستىندەگى قارساق

ايماقتار • بۇگىن، 23:08

الكەيدىڭ كۇندەلىگى

تاريح • بۇگىن، 23:07

جىل ۇزدىكتەرى انىقتالدى

سپورت • بۇگىن، 23:02

«حات قورجىن»

قوعام • بۇگىن، 22:58

قارعىن سۋدان قاۋىپ بار

توتەنشە جاعداي • بۇگىن، 22:54

شاكەن ايمانوۆتىڭ ايگىلى بوركى

جادىگەر • بۇگىن، 22:53

جاڭا اۆتوبۋستارمەن تولىقتى

مەكتەپ • بۇگىن، 22:45

وقۋشىلار تاپقان ولجا

جادىگەر • بۇگىن، 22:39

جالپى ەسەپتە ۇزدىك شىقتى

سپورت • بۇگىن، 21:05

اتىراۋ-استراحان تاسجولى جابىلدى

ايماقتار • بۇگىن، 17:00

ۇقساس جاڭالىقتار