«بيىل ينفلياتسيا 18,8% قۇرايدى. بۇل سوڭعى 10-15 جىلدا بولماعان جوعارى كورسەتكىش. ەلدەگى قىمباتشىلىقتىڭ سەبەبى دە وسىندا. وسى جىلدىڭ سوڭىندا, كەلەسى جىلدىڭ باسىندا بىزدە ينفلياتسيانىڭ كۇرت تومەندەۋى بايقالادى دەپ ۇمىتتەنەمىز. ينفلياتسيانىڭ شىڭى 20% دەڭگەيىنە جەتىپ, كەيىن قۇلدىرايدى», دەپ سەندىردى مينيستر.
ەرۇلان جاماۋباەۆتىڭ ايتۋىنشا, كەلەسى جىلدىڭ سوڭىنا قاراي ينفلياتسيانىڭ ءوسىمى ەكى ەسەگە دەيىن تومەندەۋى مۇمكىن.
«بيۋدجەتتە كورسەتىلگەن بولجام بويىنشا, ينفلياتسيا 7,5%-دان 9,5%-عا دەيىن تومەندەۋى مۇمكىن. 2023 جىلدىڭ قورىتىندىسى بويىنشا وسىنداي كورسەتكىشكە قول جەتكىزەتىن بولساق, وندا بۇنى ۇلكەن جەتىستىك دەپ ساناۋعا بولادى», دەپ تولىقتىردى پرەمەر-ءمينيستردىڭ ورىنباسارى.
