ايماقتار • 17 قاراشا, 2022

شىمكەنتتەگى ساز مەكتەبى نۇرعيسا تىلەنديەۆ ەسىمىمەن اتالادى

690 رەت
كورسەتىلدى
1 مين
وقۋ ءۇشىن

بۇل تۋرالى اشىق نقا سايتىندا ۇكىمەت قاۋلىسىنىڭ جوباسى جاريالاندى. شىمكەنت قالاسىنداعى №3 بالالار ەستەتيكالىق ساز مەكتەبىنە كۇيشى كومپوزيتور, ديريجەر, دومبىراشى نۇرعيسا تىلەنديەۆتىڭ ەسىمى بەرىلەدى, دەپ جازادى Egemen.kz.

شىمكەنتتەگى ساز مەكتەبى نۇرعيسا تىلەنديەۆ ەسىمىمەن اتالادى

قاۋلى جوباسى 30 قاراشاعا دەيىن قوعام تالقىسىنا ۇسىنىلعان.

«شىمكەنت قالاسى ءبىلىم باسقارماسىنىڭ «№3 بالالار ەستەتيكالىق ساز مەكتەبى» مەملەكەتتىك كوممۋنالدىق قازىنالىق كاسىپورنىنا نۇرعيسا تىلەنديەۆتىڭ ەسىمى بەرىلسىن. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى», دەلىنگەن قاۋلى جوباسىندا.

ايتا كەتەيىك, كسرو حالىق ءارتىسى, حالىق قاھارمانى نۇرعيسا تىلەنديەۆتىڭ دۇنيەگە كەلگەنىنە بيىل 92 جىل. سازگەر 500-دەن استام مۋزىكالىق ءتول تۋىندىنىڭ اۆتورى. نۇرعيسا تىلەنديەۆتىڭ اتىمەن رەسپۋبليكاداعى مۋزىكا مەكتەپتەرى, مۋزەيلەر مەن كوشەلەر اتالعان.

سوڭعى جاڭالىقتار